ءوزىمىز قۇرمەتتەيتىن مارعۇلان سەيسەنباي ءىنىمىز ۋكراينادا پرەزيدەنتتىك سايلاۋدىڭ ەكىنشى تۋرىندا ۆ.زەلەنسكيگە داۋىس بەرۋدى جاقتاپتى. ءيا، تاڭداۋ جاساۋعا اركىمنىڭ قۇقىعى بار. بىراق، ۆ.زەلەنسكي دەگەن كىم؟

ول "شۋت", كولومويسكيدىڭ قۋىرشاق كانديداتى ەمەس پە! ونىڭ تەلەارنالارى ابدەن جارنامالاپ تانىمال ەتىپ قويعان. ار جاعىندا دىم جوق قۋىس كەۋدە. ءىس جۇزىندە قازىر سوعىس جاعدايىنداعى ۋكرايناعا كوميك زەلەنسكي جوعارى باس قولباسشى بولا المايدى.

ءبىردەن ءبىر دۇرىس كانديدات - پ.پوروشەنكو. ول 2018 جىلى سوعىس كەزىنىڭ وزىندە ەكونوميكانى 3,4 پايىزعا كوتەردى، 207 زاۋىتتى سالىپ ىسكە قوستى. باتىس ەلدەرىنە ۆيزاسىز رەجيم ەنگىزدى، ۋكراين پراۆوسلاۆ شىركەۋىنىڭ ىرگەسىن ماسكەۋدەن اجىراتتى. انتيروسسيالىق كواليتسيا قۇردى. ەندى ناتو-عا كىرمەك. ۋكراينا قارۋلى كۇشتەرىن ەۋروپاداعى ەڭ مىقتى ون ارميانىڭ قاتارىنا قوستى. ول دونەتسك مەن لۋگانسكىدە رەسەيشىل كۇشتەردى تابان باستىرماي وتىر.

ەگەر پرەزيدەنتتىككە پوروشەنكودان باسقا بىرەۋ كەلسە ءپۋتيننىڭ قۇدايى بەرگەنى. ول حالىقارالىق زاڭداردى بەلدەن باسىپ قىرىم مەن دونتسكىنى، لۋگانسكىنى ءسىڭىرىپ كەتپەك. بۇل وتە قاۋىپتى. ودان كەيىنگى كەزەك قازاقستانعا كەلمەك. سوندىقتان ءبىز پوروشەنونى قولدايمىز.

ۋكراينادا قازاقستان تاعدىرى شەشىلىپ جاتىر!

مارات ءبايدىلداۇلىنىڭ facebook پاراقشاسىنان

Abai.kz