باقىتجان ءابدىرۇلى ساعىنتاەۆ الماتى قالاسى اكىمى بولىپ تاعايىندالدى. بۇل تۋرالى اقوردانىڭ رەسمي سايتى حابارلادى. 

"باقىتجان ءابدىرۇلى ساعىنتاەۆ الماتى قالاسىنىڭ اكىمى بولىپ تاعايىندالسىن", دەلىنگەن پرەزيدەنت جارلىعىندا.

الماتى قالاسىن بۇعان دەيىن باۋىرجان بايبەك باسقارىپ كەلدى. پرەزيدەنت پارمەن بەرىپ، باۋىرجان قىدىرعاليۇلىن باسقا قىزمەتكە اۋىسۋىنا بايلانىستى اكىمدىكتەگى قىزمەتىنەن بوساتقان.

ال باقىتجان ءابدىرۇلى بۇگىن پرەزيدەنت اكىمشىلىگى جەتەكشىسى قىزمەتىنەن بوساتىلعان بولاتىن. ساعىنتاەۆتىڭ ورنىنا قىزىلوردا وبلىسىنىڭ بۇرىنعى اكىمى قىرىمبەك كوشەرباەۆ كەلگەن.

باقىتجان ساعىنتاەۆ ءپا جەتەكشىسى قىزمەتىن 2019 جىلدىڭ 24-اقپانىنان بەرى اتقارىپ كەلدى.

ال 2016 جىلدان 2019 جىلعا دەيىن قازاقستان پرەمەر-ءمينيسترى قىزمەتىندە بولدى. 2019 جىلدىڭ 21-اقپانىندا پرەزيدەنت ۇكىمەتتى وتستاۆكاعا جىبەرگەن. قايتا جاساقتالعان ۇكىمەتتى اسقار مامين تىزگىندەدى. ال ساعىنتاەۆ مەملەكەتتىك حاتشى بولدى.

باقىتجان ءابدىرۇلى، ءار جىلدارى:

• 1998 جىلدان - جامبىل وبلىسى اكىمىنىڭ ورىنباسارى.
• 1999 جىلدان - قر شاعىن بيزنەسكە قولداۋ كورسەتۋ جونىندەگى اگەنتتىگى توراعاسىنىڭ ورىنباسارى.
• 2000 جىلدان - «شاعىن كاسىپكەرلىككە قولداۋ كورسەتۋ قورى» جاق باسقارماسىنىڭ توراعاسى.
• 2001 جىلدان - قر تابيعي مونوپوليالاردى رەتتەۋ، باسەكەلەستىكتى قورعاۋ جانە شاعىن بيزنەسكە قولداۋ كورسەتۋ جونىندەگى اگەنتتىگى توراعاسىنىڭ ءبىرىنشى ورىنباسارى.
• 2004 جىلدان - قر تابيعي مونوپوليالاردى رەتتەۋ جونىندەگى اگەنتتىگىنىڭ توراعاسى.
• 2007 جىلدان - قر پرەمەر-ءمينيسترى كەڭسەسىنىڭ جەتەكشىسى.
• 2008 جىلدان بەرى - پاۆلودار وبلىسىنىڭ اكىمى.
• 20 قاڭتار — 24 قىركۇيەك 2012 جىل ارالىعىندا — قازاقستان رەسپۋبليكاسىنىڭ ەكونوميكالىق دامۋ جانە ساۋدا ءمينيسترى.
• 2012 قىركۇيەك — 2013 قاڭتار — «نۇر وتان» حدپ-نىڭ توراعاسىنىڭ ءبىرىنشى ورىنباسارى.
• 2013 جىل 16 قاڭتاردان باستاپ جاڭادان قۇرىلعان قازاقستان رەسپۋبليكاسىنىڭ وڭىرلىك دامۋ ءمينيسترى جانە قازاقستان رەسپۋبليكاسى پرەمەر-ءمينيستردىڭ ءبىرىنشى ورىنباسارى.
• 2013 جىلدىڭ 6 قاراشاسىندا مەملەكەت باسشىسىنىڭ جارلىعىمەن پرەمەر-ءمينيستردىڭ ءبىرىنشى ورىنباسارى – قر وڭىرلىك دامۋ ءمينيسترى قىزمەتىنەن بوساتىلىپ، قر پرەمەر-ءمينيسترىنىڭ ءبىرىنشى ورىنباسارى بولىپ تاعايىندالدى.
• 2014 جىلعى 7 ساۋىردەن قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى.
• 2016 جىلدىڭ 10 قىركۇيەكتەن قازاقستان رەسپۋبليكاسى پرەمەر-ءمينيسترى
• 2019 جىلدىڭ 21 اقپاندا قازاقستان پرەزيدەنتى ساعىنتاەۆا وتستاۆكاعا كەتۋگە ۇكىمەت جولدادى.
• 2019 جىلدىڭ 1 ناۋرىزىندا قازاقستان رەسپۋبليكاسى پرەزيدەنتىنىڭ جارلىعىمەن قازاقستان رەسپۋبليكاسىنىڭ مەملەكەتتىك حاتشىسى بولىپ تاعايىندالادى.
• 2019 جىلدىڭ 24 ناۋرىزىندا قازاقستان رەسپۋبليكاسى پرەزيدەنتىنىڭ جارلىعىمەن قازاقستان رەسپۋبليكاسى پرەزيدەنتىنىڭ اكىمشىلىگى بولىپ تاعايىندالادى.

Abai.kz