قوعامدى اقپاراتتاندىرۋ ءۇشىن جاڭا ۇيىمداستىرۋشىلىق پەرسپەكتيۆالار جاسالىپ جاتىر. بۇل تۋرالى قر پرەزيدەنتىنىڭ جانىنداعى قازاقستاندىق ستراتەگيالىق زەرتتەۋلەر ينستيتۋتىنىڭ اعا عىلىمي قىزمەتكەرى جانار سانحاەۆا ايتتى، دەپ حابارلايدى قازاقپارات.

«22 شىلدەدە قر پرەزيدەنتى قاسىم-جوسارت توقاەۆتىڭ جارلىعىمەن مەمورگانداردىڭ حالىقپەن اقپاراتتىق ءوزارا ءىس-قيمىلى بويىنشا بلوگى كۇشەيتىلدى. بىرىنشىدەن، قر پرەزيدەنتى اكىمشىلىگى قۇرىلىمىندا ورتالىق كوممۋنيكاتسيالار قىزمەتى قۇرىلدى. بۇل ءوز كەزەگىندە ەلىمىزدەگى الەۋمەتتىك-ەكونوميكالىق جانە قوعامدىق-ساياسي جاعداي تۋرالى جەدەل حابارلاۋعا، سونداي-اق قوعامدى اقپاراتتاندىرۋ ءۇشىن جاڭا ۇيىمداستىرۋشىلىق پەرسپەكتيۆالاردى قۇرادى»، - دەدى ساراپشى.

سونىمەن قاتار ول مەملەكەت باسشىسىنىڭ جارلىعىمەن ايدا بالاەۆانىڭ قر پرەزيدەنتىنىڭ كومەكشىسى – قر پرەزيدەنتى اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى بولىپ تاعايىندالۋىنا قاتىستى پىكىر ءبىلدىردى. وسىنداي قادامدار مەملەكەت پەن قوعامنىڭ ءوزارا ءىس-قيمىلىن كەڭەيتۋدىڭ جانە مەماپپاراتتىڭ حالىقپەن جاقىنداۋىنىڭ ەڭ ماڭىزدى تەتىكتەرىنىڭ ءبىرى رەتىندە ءتيىستى ينستيتۋتتى كۇشەيتۋ بويىنشا مەملەكەت باسشىسىنىڭ جۇمىسىنىڭ جۇيەلىگىن بايقاتىپ وتىر.

«اتالعان ءبولىمدى پرەزيدەنت كومەكشىسىنىڭ باسقارۋ فاكتىسى مەملەكەتتىك باسقارۋ جۇيەسىن رەفورمالاۋ بارىسىن باقىلاۋعا قاسىم-جومارت توقاەۆتىڭ جەكە ءوزىنىڭ قاتىسىپ تۇرعاندىعىن بىلدىرەدى. ايتا كەتەيىك، قر پرەزيدەنتى اكىمشىلىگىنىڭ وتىنىشتەردى قاراۋدى باقىلاۋ بولىمىندە ءتيىستى جۇمىس ءۇشىن قاجەتتى بازا بار. بۇگىندە قازاقستاندا ازاماتتاردىڭ وتىنىمدەرى ءۇشىن بىرقاتار تەتىكتەر قاراستىرىلعان، ولار قاعاز تۇرىندە جانە ەلەكتروندى نۇسقادا قامتىلعان»، - دەدى جانار سانحاەۆا.

سونىمەن بىرگە، ۆەدومستۆولاردىڭ ءبىرىنشى باسشىلارى ىسكە اسىرىپ كەلگەن ازاماتتاردى قابىلداۋ شارالارى، تەلەفون ارقىلى بايلانىسقا شىعۋ، قوعامدىق كەڭەستەر جانە باسقا دا الاڭدار بار.

«وسى ارقىلى جاڭا تاعايىنداۋ شەشىمدەردى قابىلداۋ پروتسەسىنە ازاماتتاردى بەلسەندى كىرىستىرۋ ارقىلى وتىنىشتەر ينستيتۋتىن رەفورمالاۋدى كۇشەيتىپ وتىر. بۇل ءوز كەزەگىندە مەملەكەتتىك باسقارۋ جۇيەسىن كەشەندى رەفورمالاۋ ماسەلەسىندە ماڭىزدى ەلەمەنت بولىپ سانالادى»، - دەدى ساراپشى.

بۇدان بۇرىن حابارلانعانداي، مەملەكەت باسشىسى قر پرەزيدەنتى جانىنداعى «ورتالىق كوممۋنيكاتسيالار قىزمەتى» رەسپۋبليكالىق مەملەكەتتىك مەكەمەسىن قۇرۋ جونىندەگى جارلىققا قول قويدى.

پرەزيدەنت وكىمىمەن تالعات قاليەۆ قر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ باسشىسى بولىپ تاعايىندالدى.

Abai.kz