وبلىستا اگرارلىق سالانى دامىتۋدىڭ 9 نەگىزگى باعىتى انىقتالدى. بۇل تۋرالى وبلىستىق ءماسليحاتتىڭ كەزەكتى سەسسياسىندا قىزىلوردا وبلىسىنىڭ اكىمى قۋانىشبەك ىسقاقوۆ مالىمدەدى.

"جۇرگىزىلگەن زەرتتەۋلەردىڭ ناتيجەسىندە ءبىز ەكى نەگىزگى كاتەگوريا بويىنشا دامۋدىڭ سەكتورلارىن ايقىندادىق. بۇل - ىشكى نارىقتى تولىقتىرۋ جانە ەكسپورتقا باعدارلانعان ءونىم ءوندىرىسىن كەڭەيتۋ ءۇشىن اگروونەركاسىپتىك كەشەن سەكتورىن دامىتۋ. سونىمەن قاتار، ءوڭىردىڭ تابيعي كليماتتىق جانە توپىراق ەرەكشەلىكتەرىنە قاراي، اگرارلىق سالانى دامىتۋدىڭ 9 باسىم باعىتىن انىقتادىق. ولار:  ەت جانە ءسۇت مال شارۋاشىلىعىن دامىتۋ، وسىمدىك شارۋاشىلىعىن ءارتاراپتاندىرۋ، سۋارمالى جەرلەردى قالپىنا كەلتىرۋ، زاكىرلىك كووپەراتسيانى قايتا وڭدەۋ جانە دامىتۋ، بالىق شارۋاشىلىعى، اگروونەركاسىپتىك كەشەن ونىمدەرىن وتكىزۋ، ينفراقۇرىلىمدى دامىتۋ جانە تسيفرلاندىرۋ. اتالعان بارلىق باعىتتاردى ىسكە اسىرۋ ماقساتىندا كلاستەرلىك نەگىزدە وندىرىستىك پروتسەستەردى باسقارۋعا تسيفرلىق تەحنولوگيالاردى ەندىرۋ قاجەتتىگى تۋىنداۋدا. بۇدان بولەك، اگروونەركاسىپتىك كەشەن ونىمدەرىن دامىتۋدىڭ وڭىرلىك باعدارلاماسى اياسىندا  148 جوبانى ىسكە اسىرۋدى جوسپارلاپ وتىرمىز»،-دەدى ايماق باسشىسى.

وبلىس اكىمى وڭدەۋ ونەركاسىبىن دامىتۋ ەڭبەك ونىمدىلىگى مەن ەكسپورت كولەمىن جانە ەڭبەك ونىمدىلىگىن 2,5 ەسەگە ءوسۋىن قامتاماسىز ەتەتىنىن اتاپ ءوتتى.

«وسىعان بايلانىستى، وبلىستا ءسۇت، ەت، جۇمىرتقا، قۇس ەتى، كارتوپ، ۇن تارتۋ ونىمدەرى مەن جىلىجاي كوكونىستەرىن ءوندىرۋدى جەتىلدىرۋ قاجەت. ەندى ءبىز الداعى ۋاقىتتا وسى سالالاردى دامىتۋعا ەرەكشە نازار اۋداراتىن بولامىز. قازىرگى ۋاقىتتا ارال قالاسىندا ۇن ءوندىرىسى قالپىنا كەلتىرىلدى، قارماقشى اۋدانىندا قۇس فابريكاسىنىڭ قۇرىلىسى جۇرگىزىلۋدە، قىزىلوردا قالاسىندا ەت كومبيناتى مەن جىلىجاي سالىنۋدا، كوپجىلدىق جەمىس ەكپەلەرى بار الاڭدار كەڭەيتىلۋدە، شيەلى اۋدانىندا جانە قىزىلوردا قالاسىندا جۇمىرتقا ءوندىرىسى دامىتىلۋدا»،-دەدى قۋانىشبەك ىسقاقوۆ.

سونداي-اق، وڭىردە سۋ قويمالارىن سالۋ جانە سۋارمالى سۋدى ءتيىمدى پايدالانۋ بويىنشا بىرقاتار جوبالار جۇزەگە اسىرىلاتىن بولادى.

"اتاپ ايتقاندا، يرريگاتسيالىق جانە درەناجدىق جەلىلەردى جەتىلدىرۋ جونىندەگى جوبالاردى ىسكە اسىرۋ ارقىلى سۋارمالى سۋدى 30%-عا دەيىن ۇنەمدەيمىز. جانە جەر استى كوزدەرىن پايدالانۋ، تامشىلاتىپ، جاڭبىرلاتىپ سۋارۋ ادىستەرىن قولدانۋ، كوللەكتورلىق سۋلاردى قايتا پايدالانۋ ەسەبىنەن سۋارمالى جەرلەردى 95 مىڭ گەكتارعا كوبەيتىپ، 300 مىڭعا جەتكىزەمىز. ناتيجەسىندە ءبىز اگرارلىق سەكتورداعى ءوندىرىس كولەمىن 79 ملرد. تەڭگەگە ۇلعايتا وتىرىپ، 3 مىڭنان استام تۇراقتى جۇمىس ورىندارىن اشامىز»،-دەدى وبلىس اكىمى.

سونىمەن قاتار، سۋارىلمايتىن ءشول-ەگىندى جەرلەردە مايلى جانە ازىقتىق داقىلدار ەگىسىن كەڭەيتۋ جوسپارلانۋدا. ول ءۇشىن عالىمداردىڭ يننوۆاتسيالىق ازىرلەمەلەرىن، ياعني اكۆاسوربەنتتەر مەن اكۆاگەلدەر پايدالانىلادى.

"اگروونەركاسىپ كەشەنىنىڭ ماڭىزدى سالاسى، دامۋدىڭ جاڭا مۇمكىندىكتەرىنىڭ ءبىرى - شيكىزات جانە ازىق-تۇلىكتىك ەمەس اگرارلىق ونىمدەر ءوندىرىسى.  ماسەلەن، ەت-سۇيەك جانە بالىق ۇنىنىڭ ءوندىرىسى ايماقتاعى مال جانە بالىق وسىرۋشىلەردى ساپالى قوسپالارمەن قامتاماسىز ەتىپ قانا قويماي، ولارعا تاۋارلارىن قىتاي مەن ەۋروپاعا ەكسپورتتاۋ ارقىلى پايدا تابۋعا مۇمكىندىك بەرەدى. تەرى ءوندىرىسىن دامىتۋ بويىنشا دا ءوسۋدىڭ جاڭا مۇمكىندىكتەرى بار. جىل سايىن وبلىس بويىنشا 65 مىڭ ءىرى قارا مالدىڭ تەرىسى، 131 مىڭ ۇساق قارا مالدىڭ تەرىسى جانە 800 تونناعا جۋىق قوي تەرىسى، 40 توننا ەشكى جانە 100 توننا تۇيە ءجۇنى ساتىپ الىنادى", - دەدى قۋانىشبەك ىسقاقوۆ.

سىر ءوڭىرى ميا تامىرىن قايتا وڭدەۋ بويىنشا ايتارلىقتاي الەۋەتكە يە.

«بۇگىنگى كۇنى شيكىزات كۇيىندە ەكسپورتتالعان ميا تامىرىنىڭ 50 پايىزى  قىزىلوردا وبلىسىنا تيەسىلى. قازىرگى ۋاقىتتا وسى قىزمەت ءتۇرى زاڭداستىرىلعان كورشى وزبەكستان رەسپۋبليكاسىندا وسىنداي 30 كاسىپورىن جۇمىس ىستەيدى، ءبىر كاسىپورىننىڭ ورتاشا جىلدىق تابىسى 15 ملن.اقش دوللارىن قۇرايدى. وسى رەتتە وزبەكستان ەلىنىڭ تاجىريبەسىن پايدالانۋ ورىندى دەپ ەسەپتەيمىز. وزبەكستان رەسپۋبليكاسىنىڭ ۇلگىسىندە ەلىمىزدە ميا تامىرىن جيناۋ جانە پايدالانۋ ءتارتىبى تۋرالى زاڭ جوباسىن دايىنداۋعا كىرىسۋ قاجەت دەپ سانايمىن. بۇل حالىقتى جۇمىسپەن قامتۋ جانە شاعىن بيزنەستى دامىتۋعا  مۇمكىندىك بەرەدى", - دەدى وبلىس اكىمى.

بۇگىن قىزىلوردا وبلىستىق ءماسليحاتتىڭ كەزەكتى سەسسياسى ءوتتى. وندا ايماقتىڭ ءى جارتىجىلدىقتاعى دامۋ قورىتىندىسى شىعارىلىپ، كەلەشەك جوسپارلارى ايقىندالدى.

Abai.kz