بەيسەنبى, 28 ناۋرىز 2024
2569 0 پىكىر 19 تامىز, 2019 ساعات 10:24

كابۋلداعى جارىلىستان 63 ادام قازا تاپقان

اۋعانستان استاناسىندا 17 تامىزدا ۇيلەنۋ تويى ءوتىپ جاتقان جەردە جانكەشتى جاساعان شابۋىل سالدارىنان 63 ادام قازا تاۋىپ، 182 ادام جارالانعان. بۇل تۋرالى اۋعان رەسميلەرى حابارلادى.

ىشكى ىستەر مينيسترلىگى وكىلى ناسرات راحيمي جارىلىس ۇيلەنۋ تويى كەزىندە ەر ادامدار وتىرعان تۇستا بولعانىن حابارلاعان. ونىڭ سوزىنشە، قازا تاپقاندار مەن زارداپ شەككەندەردىڭ اراسىندا بالالار مەن ايەلدەر بار.

وقيعا كۋاگەرىنىڭ ار اگەنتتىگىنە ايتۋىنشا، مىڭنان استام ادام قاتىسقان تويدا ساحناعا بالالار جينالعان كەزدە جارىلىس بولعان.

"تاليبان" قوزعالىسى بيىلعى جىل باسىنان بەرى كابۋلداعى ەڭ جويقىن شابۋىلعا قاتىسى بارىن جوققا شىعاردى. بۇل جارىلىس ۆاشينگتون اۋعانستانداعى 18 جىلعا جۋىق ۋاقىت جالعاسىپ جاتقان قارۋلى جانجالدى دوعاراتىن بەيبىت بىتىمگە كەلۋ تۋرالى تاليبان وكىلدەرىمەن كەلىسسوز جۇرگىزىپ جاتقان شاقتا جاسالدى.

DPA اقپارات اگەنتتىگى "تاليباننىڭ" رەسمي وكىلى زابيحۋللا ءمۇدجاحيدتىڭ جارىلىستى ايىپتاعان ءسوزى WhatsApp ارقىلى تاراتىلعانىن حابارلادى.

اقش پەن "تاليبان" وكىلدەرى اراسىندا ءبىتىم جايلى بەيبىت كەلىسسوزدەر ءجۇرىپ جاتقانىنا قاراماستان اۋعانستاندا كوپ ادامنىڭ اجالىنا سەبەپ بولعان شابۋىلدار باسەڭدەمەي وتىر. بۇۇ مالىمەتى بويىنشا، بيىلعى جىلدىڭ العاشقى جارتىسىندا ەلدە شابۋىلدار سالدارىنان قازا بولعان نەمەسە جارالانعان ادام سانى 3800-گە جەتكەن.

اۋعانستان پرەزيدەنتى اشراف عاني جەكسەنبى كۇنى Twitter-دەگى پاراقشاسىنا "تاليبان" تەررورشىلارعا "جاعداي تۋعىزىپ" وتىرعانى ءۇشىن جاۋاپكەرشىلىكتەن تايقىپ كەتە المايدى دەپ جازعان.

16 تامىزدا اۋعانستانمەن كورشى پاكىستاندا مەشىتتە بولعان جارىلىس سالدارىنان اۋعان تالىپتەرى جەتەكشىلەرىنىڭ ءبىرىنىڭ باۋىرى مەرت بولعان. ول جارىلىسقا جاۋاپكەرشىلىكتى ەشكىم العان جوق.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3531