بىراق كومپانيا جەرگىلىكتى تۇرعىنداردى جۇمىسقا الۋعا جانە ولاردى وقىتۋعا مىندەتتى.

"ينۆەستور كەندى يگەرۋگە، قالدىقتاردى ساقتايتىن جاي سالۋعا، ەلەكتر لينيالارىن تارتۋعا 385 ميلليون سوموني (40 ملن دوللار) جۇمسايدى. ينۆەستور العاشقى ءۇش جىلدا جۇمىس ورىندارىنىڭ 60 پروتسەنتىن جەرگىلىكتى تۇرعىندارمەن تولىقتىرۋ قاجەت، كەيىن بۇل كورسەتكىش 80 پروتسەنتكە دەيىن ءوسۋى ءتيىس. جۇمىسشىلاردىڭ كۆاليفيكاتسياسىن جوعارىلاتۋ ءۇشىن ينۆەستور جىلىنا 500 مىڭ سوموني بولۋگە ءتيىس", – دەدى مەملەكەتتىك ينۆەستيتسيا كوميتەتىنىڭ توراعاسى فاررۋح حامراليزودا.

قىتايلىق كومپانيا جەتى جىل سالىقتان بوساتىلعانىمەن كۇمىس قورىن ءۇش جىلدا قازىپ بىتەدى ەكەن. "كاشن سينيۋي دادي ماينينگ ينۆەستمەنت" كومپانياسىنىڭ وكىلى يۋان ين حۋ گەولوگيالىق قازۋ مەن تەستىلەۋ جۇمىستارى باستالىپ كەتكەنىن ايتتى:

ء–بىر جىلدا 40 توننا كۇمىس قازا الامىز. بۇگىنگى كۇنى كەندەگى كۇمىس قورى 113 توننانى قۇرايدى.

پامير تاۋدارىنداعى "ياكچيلۆا" كۇمىس كەنى تەڭىز دەڭگەيىنەن 4500 مەتر بيىكتىكتە جايعاسقان.

Abai.kz