قازاقستان ءسىم ءباسپاسوز حاتشىسى ايبەك سمادياروۆ مۇنىڭ الدىندا لاۆروۆ قازاقستاندىق ارىپتەسى مۇحتار تىلەۋبەردىمەن دە كەزدەسەتىنىن حابارلاعان. بۇل اقپاراتتى «ينتەرفاكس» جاڭالىقتار اگەنتتىگى جاريالادى.

ايبەك سمادياروۆتىڭ ايتۋىنشا، ەكى ەلدىڭ سىرتقى ىستەر مينيسترلەرى قازاقستان-رەسەي ىنتىماقتاستىعىنىڭ نەگىزگى ماسەلەلەرىن، ەكى ەلدىڭ حالىقارالىق ۇيىمدار مەن وڭىرلىك ينتەگراتسيالىق بىرلەستىكتەر بويىنشا ءوزارا ءىس-قيمىلىن تالقىلايدى. ونىڭ ىشىندە بىرىككەن ۇلتتار ۇيىمى، تاۋەلسىز مەملەكەتتەر دوستاستىعى، ەۋرازيا ەكونوميكا وداعى، ۇجىمدىق قاۋىپسىزدىك شارتى ۇيىمى، شانحاي ىنتىماقتاستىق ۇيىمى جانە ازياداعى ءوزارا ىقپالداستىق جانە سەنىم شارالارى بار.

ەكى تاراپ جىلدىڭ سوڭىنا دەيىن ومسكدە وتەتىن وڭىرارالىق ىنتىماقتاستىققا ارنالعان 16-فورۋمدى، ۇجىمدىق قاۋىپسىز شارتى ۇيىمىنىڭ قىرعىزستان استاناسى بىشكەك قالاسىندا وتەتىن شارالارىن جانە باسقا دا ەكى جاقتى جانە كوپ جاقتى شارالاردى ۇيىمداستىرۋ ماسەلەلەرىن تالقىلايدى.

Abai.kz