«قازاقستاننىڭ تۇڭعىش پرەزيدەنتى نۇرسۇلتان نازارباەۆ ۋكراين حالقىن قاتتى جاقسى كورەدى»، دەپ مالىمدەدى ۋكراينا پرەزيدەنتى زەلەنسكي 23 قازاندا شىققان Today تىلشىسىنە بەرگەن سۇحباتىندا.

«مەن ارقاشان وسى نەمەسە باسقا پرەزيدەنتتىڭ رەسمي پىكىرىن تىڭداعىم كەلەدى. مەن ونىڭ جەكە قولداۋىن، ۋكراينانى، ەگەمەندىگىمىزدى، تەرريتوريامىزدى، تاۋەلسىزدىگىمىزدى قولدايتىنىن كوردىم جانە ەستىدىم.

ياعني ول ماعان ۋكراينانى، ۋكراين حالقىن قاتتى جاقسى كورەتىنىن جانە ونى وتە جاقسى تۇسىنەتىنىن ايتتى. ويتكەنى ول ءوزى ۋكراينادا جۇمىس ىستەگەن جانە ۋكراينادا وقىعان.

مەنىڭ ويىمشا، ەندى ءبىز ۋكرايناداعى سوعىستى اياقتاۋ ءۇشىن وسىنداي عالامدىق جانە باسىم مىندەتتەردى شەشۋگە كومەكتەسكىسى كەلەتىن بارلىق ادامدارمەن كەزدەسۋىمىز كەرەك. جانە ءبىز مۇنى ىستەپ جاتىرمىز - بارلىعىمەن كەزدەسىپ جاتىرمىز. بۇل باسقاشا بولمايدى»، - دەدى زەلەنسكي.

22 قازاندا ۋكراينا پرەزيدەنتى ۆلاديمير زەلەنسكي ەلباسى نۇرسۇلتان نازارباەۆپەن جاپونيا ساپارى اياسىندا كەزدەسكەن.

«كەزدەسۋ بارىسىندا دونباستاعى سوعىس جانە قىرىمدى باسىپ الۋ تۋرالى ماسەلە كوتەرىلدى. نازارباەۆ قازاقستان ۋكراينانىڭ اۋماقتىق تۇتاستىعى مەن ەگەمەندىگىن ارقاشان قولدايتىنىن ايتتى.

تاراپتار بەيبىتشىلىككە ۇمتىلۋداعى وڭ وزگەرىستەردى، اتاپ ايتقاندا، تۇتقىنداردى قايتارۋ جانە ديپلوماتيالىق كەلىسسوزدەردى قايتا باستاۋ ماسەلەلەرىن تالقىلادى جانە نورماند فورماتىندا كەلىسسوزدەردى جەدەل جۇرگىزۋدىڭ قاجەتتىلىگىن اتاپ ءوتتى»، - دەدى ۋكراينا مەملەكەت باسشىسىنىڭ ءباسپاسوز قىزمەتى.

كەرىمسال جۇباتقانوۆ،

تاريح عىلىمدارىنىڭ كانديداتى.

Abai.kz