شىلقىعان بايلار تەك جۋرنال وقىپ، اقپارات العانىڭىز ءۇشىن نەگە 1 000 000 $ تولەۋگە دايار؟

قوعامدى باسقارۋ ءۇشىن پارتيا قۇرۋعا بولادى. ءوز ساناسىنداعى حاقيقاتىن وزگە ادامداردىڭ شەكەسىنە جابىستىرۋ ءۇشىن نە ىستەلمەي جاتىر. ءتىپتى پسيحولوگيالىق ساباق وتكىزۋدەن باستاساڭدا بولادى. ويتكەنى جات اعىمي پيعىلىڭدى فرەيدتىڭ ادىسىمەن جەتكىزسەڭ قوعامدا سەزبەي قالادى. اقىماق قوي. كورمەي قالادى. اقتالساڭدا بىلمەيدى.تاڭقالام وسى نەگە جات اعىمعا ءتان اقيداۋي ءىلىمدى جەتكىزۋشىلەر پسيحولوگيالىق ساباق وتكىزۋگە اۋەس؟ ايتپاقشى. ءيا. ايتپاق ويىم بۇعان مۇلدە قاتىسى جوق.

قوعامدى باسقارۋدىڭ ءتۇرلى ادىستەرى بار دەيىكشى. بەلگىلى ءبىر "سترۋكتۋرا، قۇرىلىم ارقىلى باسقارۋ". مىسالى مەملەكەتتىك جۇيە سونداي. اكىم بار، اكىمشىلىك بار. باسشى بار، قوسشى بار. تاپسىرمانى بەرۋشى بار، ورىنداۋشى قۇرىلىم، جۇيە بار. بۇل تۇسىنىكتى. كوزگە كورىنىپ تۇرعان باسقارۋ ءتۇرى. كىم باقارىپ وتىر ءبىلىپ وتىراسىڭ. شۇكىر!

باسقارۋدىڭ باسقادا جولدارى بار. ونى "قۇرىلىمسىز باسقارۋ" دەپ ايتادى. گاپ وسىندا. قۇرىلىمسىز باسقارۋدا تىكەلەي باسقارۋ سيپاتى بولمايدى. ەشكىمدى كۇشتەپ، زورلاپ باعىنۋعا ماجبۇرلەمەيسىڭ. اقىرىىننداپ جاۋلاپ الادى. ويتكەنى، ونىڭ قۇرىلىمى جوق. بۇل مەملەكەت ءۇشىن دە، قوعام ءۇشىن دە قاۋىپتى. سەبەبى كىم باسقارىپ، كىم قايدان كەلىپ، قايدان كەتىپ جاتقانىن ەشكىم، ەشتەڭە بىلمەيدى. ونداي قارۋدىڭ بىزدە ۇشەۋى بار.

ەڭ ءبىرىنشى، ەڭ قۋاتتى باسقارۋ قارۋى "مەتودولوگيا - دۇنيەتانىم" دەپ اتايدى. قوعامنىڭ ساناسىن، تانىمىن جالعان سەنىم-نانىممەن ۋلاي الساڭ ول حالىقتى ماڭگى باسقاراسىڭ. امىرلىك ورناتاسىڭ. دۇنيەتانىمدىق دەڭگەيدە باسقارۋ – ەڭ قۋاتتى باسقارۋ قۇرالى. ونىمەن ويناۋعا بولمايدى. قوعامنىڭ ساناسىنا جالعان دۇنيەتانىم كىرگىزە الساڭ، ول ەڭ ۇلكەن جەتىستىك. ويتكەنى، سانانى پروگراممالاۋ وڭاي جۇمىس ەمەس. ول جاقىن 1000 جىلدىقتا وشپەيدى. سوندىقتان، شيرك، بيدعا، شىن يسلام، شىن تاۋحيد تاۋەلسىزدىك العاننان كەيىن كەلىپ، وعان دەيىنگى اتالارىمىز اداسقانى تۋرالى سانانى قالىپتاستىرساڭ بولدى. سونان سوڭ، ادام ساناسىنداعى تۇسىنىكتى ءوشىرىپ كور؟! وشەمە؟ باسقا ءبىر ۇلت بولىپ شىعا كەلەدى.

قوعامدى قۇرىلىمسىز باسقارۋدىڭ ەكىنشى ءبىر جويقىن ءتۇرى "حرونولوگيا - تاريح". تاريحىن جوعالتقان حالىق – تامىرى جوق تال سەكىلدى. تاريحي جادى بۇرمالانىپ، ءداستۇرىن وشىرگەن حالىق – ولگەن حالىق. بۇل وتە مۇقيات، وتە نازىك جىلبىسقى باسقارۋ ءتۇرى. سوندىقتان، تاريحي دەرەكتەردى، ماتىندەردى بۇرمالاپ، تاريحي تانىمدى وشىرۋگە تىرىساتىنى سوندىقتان. تاريحتى قايتا قاراستىرىپ، قايتا جازۋعا ۇمتىلادى. تاريحتا وتكەن ۇلى تۇلعالاردى جوققا شىعارىپ، ەڭبەكتەرىن ۇمىتتىرادى. بولدى. نە بولعانىن بىلمەي قالادى.

بۇلدا وڭاي باعىت ەمەس. "فاكتولوگيا - اقپارات" – اقپارات تۋرالى ءىلىم. باسقارۋدىڭ ەڭ وزىق، جەتىلگەن نۇسقاسى. اقپاراتتىق زاماندا "اقپاراتتىق قارۋ" جاساپ، ارينە ۆيرۋسى بولۋى كەرەك، حالىقتىڭ اراسىنا تاستاساڭ بولدى. جويقىن جارىلىس جاساۋعا بولادى. ولاردىڭ ماقساتى اقپاراتتىق سوعىس الاڭىنا ەركىن كىرۋ. ءيا، مۇمكىندىك بەرسەڭ بولدى. سوندىقتان، كوبىنەسە جەكە اقپاراتتىق قۇرالدارىن جاساۋعا تىرىسادى. تانىمال تەلەارنالار، اقپارات قۇرالدارى مەن ءتيىستى مەكەمەلەردە جاقتاستارى جاۋاپتى قىزمەتتەرگە ورنالاستىرىلادى. ولار اقپاراتتىق جاۋىنگەرلەر رەتىندە قىزمەت ەتەدى.

ەندى ءبىر سۇراق. وسى ۋاقىتا دەيىن، ءيا 30 جىل بويى ءتيىستى مەكەمەلەر نە ىستەدى؟ قىزىقسىز سۇراق پا؟ مەنىڭشە قاسىرەتكە تولى سۇراق.
مىڭ جارىم جىلدىق ساباقتاستىعى ۇزىلمەگەن ءداستۇرلى مەكتەبىمىز بولعان. بولعان ەمەس، بولدى! تاريحي كىتاپتىڭ كەز كەلگەنىن اشىپ قالساڭ دالەل تولىپ تۇر. سول رۋحاني مەكتەبىمىز كۇشتى بولعانى سونشا حالقىمىزدىڭ ماقال-ماتەلدەرى، ءداستۇرى، ەرتەگىلەرى، قيسسالارى مەن داستاندارى، جىرلارى مەن كۇيلەرى، مادەنيەتى سونىڭ نەگىزىندە قالىپتاستى. سولاي ما؟ سولاي. ورتاق رۋحاني سانامىز بولعان با؟ بولعان. قازىرگىدەي شالا بۇلىنبەگەن ەدى. سونىڭ ءبارىن جاساعان تۇلعالار بولدى ما؟ الدە ول ءوز وزىنەن قالىپ تاسا قالدى ما؟

اتا بابامىزدىڭ جولى ءبىر بولەك، ءبىز ءبىر بولەك قايدا كەتىپ بارامىز؟ سوندا ءبىز اتا بابا جولىنان اجىراپ قازاق بولامىز دەپ تۇرمىز با؟ الدە نە ماقسات بار؟

ەندى سول تانىمدى دامىتۋعا جۇمىس جاسالدى ما؟ اقىلعا قونىمدى ناتيجە بار ما، جوق پا؟ جوق بولسا، نەگە جوق؟

اسەت بەكتۇردىڭ facebook پاراقشاسىنان

Abai.kz