تۇنەۋگۇنى اتىراۋدىڭ استان-كەستەنىن شىعارا جازداعان ەكستيريمستىك-لاڭكەستەر اتىشۋلى «بتا» بانكى ارقىلى پاكىستاندا تۇرىپ جاتقان حابيدوللا، جۇماباەۆ، ءشىلمانوۆ، مۇڭاتوۆ، زناليەۆ جانە وتەعاليەۆ دەيتىن ازاماتتارعا اقشا جىبەرىپ وتىرعان. بۇل تۋرالى اتىراۋ وبلىستىق سوتىنىڭ ءباسپاسوز حاتشىسى بورانباي عاليەۆكە سىلتەمە جاساي وتىرىپ، اقپارات اگەنتتىكتەرى حابار تاراتىپ جاتىر.

بورانباي عاليەۆتىڭ سوزىنە سەنسەك، اتىراۋ وبلىسى مەن رەسپۋبليكانىڭ وزگەدە ايماقتارىندا لاڭكەستىك ارەكەت جاساماق پيعىلدارى بولعان 24 كۇدىكتى ۇستالىپ، قاماۋعا الىنعان. ونىڭ 14-ءى جۇمىسسىز، ەكەۋى - جۇرگىزۋشى، بىرەۋى - ساتۋشى جانە ەكەۋى ستۋدەنت بولسا، ءبىرى كاملەتتىك جاسقا تولماعان بالا ال، قالعان ۇشەۋى  - كاسىپكەر ەكەن. بۇلاردىڭ پاكىستانعا قانشا اقشا جىبەرىپ تۇرعاندارى ازىرگە بەلگىسىز كورىنەدى.

قاشان دا پارى شىقپاعان مونشاداي بولىپ قىزۋ كوتەرىلىپ تۇراتىن پاكىستانعا ەل ۇركە قارايتىن بولدى. ويتپەي قايتسىن، ءبىر ءدىندى بالالاتىپ، بالەن اعىمعا ءبولىپ، ايرانداي ۇيىعان اعايىننىڭ اراسىن سۇتتەي ءىرىتىپ جاتقان ءتۇرلى ءدىني اعىمداردىڭ باستاۋى وسى پاكىستان دەيدى بىلەتىن جۇرت. كەزىندە ءدىني ساۋاتىن سول جاقتىڭ ءدىني بۇلاعىنان سۋسىنداپ اشقان ازاماتتاردىڭ ارامىزدا كوپ ەكەنىن ەسكەرسەك، جەلدىڭ قاي جاقتان سوعاتىنىن ايىرۋ اسا قيىن ەمەس. بۇل - ءوز ويىمىز.

تۇنەۋگۇنى اتىراۋدىڭ استان-كەستەنىن شىعارا جازداعان ەكستيريمستىك-لاڭكەستەر اتىشۋلى «بتا» بانكى ارقىلى پاكىستاندا تۇرىپ جاتقان حابيدوللا، جۇماباەۆ، ءشىلمانوۆ، مۇڭاتوۆ، زناليەۆ جانە وتەعاليەۆ دەيتىن ازاماتتارعا اقشا جىبەرىپ وتىرعان. بۇل تۋرالى اتىراۋ وبلىستىق سوتىنىڭ ءباسپاسوز حاتشىسى بورانباي عاليەۆكە سىلتەمە جاساي وتىرىپ، اقپارات اگەنتتىكتەرى حابار تاراتىپ جاتىر.

بورانباي عاليەۆتىڭ سوزىنە سەنسەك، اتىراۋ وبلىسى مەن رەسپۋبليكانىڭ وزگەدە ايماقتارىندا لاڭكەستىك ارەكەت جاساماق پيعىلدارى بولعان 24 كۇدىكتى ۇستالىپ، قاماۋعا الىنعان. ونىڭ 14-ءى جۇمىسسىز، ەكەۋى - جۇرگىزۋشى، بىرەۋى - ساتۋشى جانە ەكەۋى ستۋدەنت بولسا، ءبىرى كاملەتتىك جاسقا تولماعان بالا ال، قالعان ۇشەۋى  - كاسىپكەر ەكەن. بۇلاردىڭ پاكىستانعا قانشا اقشا جىبەرىپ تۇرعاندارى ازىرگە بەلگىسىز كورىنەدى.

قاشان دا پارى شىقپاعان مونشاداي بولىپ قىزۋ كوتەرىلىپ تۇراتىن پاكىستانعا ەل ۇركە قارايتىن بولدى. ويتپەي قايتسىن، ءبىر ءدىندى بالالاتىپ، بالەن اعىمعا ءبولىپ، ايرانداي ۇيىعان اعايىننىڭ اراسىن سۇتتەي ءىرىتىپ جاتقان ءتۇرلى ءدىني اعىمداردىڭ باستاۋى وسى پاكىستان دەيدى بىلەتىن جۇرت. كەزىندە ءدىني ساۋاتىن سول جاقتىڭ ءدىني بۇلاعىنان سۋسىنداپ اشقان ازاماتتاردىڭ ارامىزدا كوپ ەكەنىن ەسكەرسەك، جەلدىڭ قاي جاقتان سوعاتىنىن ايىرۋ اسا قيىن ەمەس. بۇل - ءوز ويىمىز.

ەلدەگى ءدىني احۋال دىڭكەلەپ، اقتوبە، بالقاش، اتىراۋ بولىپ حالىقتىڭ ەكى كوزىن ءتورت قىلىپ، جاعاسىن ۇستاتىپ جاتسا، الماتىداعى ورتالىق مەشىتتىڭ باس يمامى قۇلمۇحاممەد ماحانبەت قالا كوشەلەرىنىڭ بيلبوردتارىندا جارناماسى جايناپ تۇرعان امەريكاندىق «سەكس پو درۋجبە» ءفيلمىنىڭ اتاۋىن سىنعا الىپ، كينو جارناماسىنىڭ كوشەلەردەن الىنىپ تاستالۋىن سۇراپ، قالا اكىمى احمەتجان ەسىموۆكە حات جازىپتى. البەتتە، ءمۇفتياتتىڭ ورىس ءتىلدى سايتىندا جارىق كورگەن (بۇل حاتتى ءمۇفتياتتىڭ قازاقتىلدى سايتىنان تاپپادىق) ءۇشبۋ حاتتا باس يمامنىڭ الگى اتى ءبىرتۇرلى ىڭعايسىز كينوتۋىندىنىڭ قوعام مادەنيەتى مەن تاربيەسىنە كەرەعار ەكەنىن ايتقان پىكىرىمەن تولىق كەلىسۋگە بولادى. الايدا، ەل ءىشىن الاتايداي ءبۇلدىرىپ جاتقان ءدىني اعىمداردىڭ ارەكەتىنە «اۋ» دەپ اۋىز اشپاعان باس مولدا باس قاتىرار ماسەلەنى تاپقان ەكەن دەدىك. شىنىندا دا، قوعام ءۇشىن قايسىسى قاۋىپتى: امەريكانىڭ كينوسى ما، تەرىس پيعىلدى ءدىني اعىمدار ما؟

«اباي-اقپارات»