مەن ونى العاشىندا بايقاعان دا، بىلگەن دە ەمەسپىن.  ويتكەنى مەن ول كەزدە بالا ەدىم. كورشى - قولاڭ، اكەمنىڭ نە ىستەگەنىنە  كوپ كوز سالاتىنمىن. اقىل، سانا، كۇشىم جەتكەنشە قايتالاۋعا تىرىساتىنمىن. اسىرەسە، اكەمشە جوتەلسەم ەل ريزا بولىپ كۇلەتىن ەدى. قولدارى بوساي قالعان كەزدە «ءجۇمادىل اتا قايتەدى»، «ءباتىش اپا قايتەدى»، «ماقاش اعا نە ىستەدى» دەپ سۇراپ الىپ، مەنىڭ اتالعان جانداردى اينىتپاي سالعانىمدى كورىپ، كوپ تاڭدانىساتىن. اكەم ۇزاق قاراپ وتىرىپ: «وسى ءارتىس بولار ما ەكەن» دەيتىن.

بىراق ءبىر كۇنى مەن كولەڭكەمدى كوردىم دە، قورقىپ جىلاپ جىبەردىم. جازدىڭ جايدارى شۋاقتى ءبىر كۇنى قاسىمنان پايدا بولعان كولەڭكەم مەن نەنى ىستەسەم دە ءدال قايتالار. ول تىم قورقىنىشتى بولاتىن. مەن باسىندا ودان قۇتىلماق نيەت ەتىپ جان سالا جۇگىردىم. ول قالمادى. وتىرسام وتىرىپ، تۇرسام تۇرىپ، جاتسام جاتاتىن ەدى. تەك مەنەن ەرەكشەلىگى قارا، ءارى ءۇنسىز. كەشكە جاتقاندا ەندى سەنى كورمەسپىن-اق دەسەم دە، تاڭەرتەڭ بىرگە جۇرەدى. ءارى ونىڭ اشىق كۇنى عانا ىلەسەتىنىنە تاڭ قالدىم. ول بۇلتتى، جاڭبىرلى كۇندەرى عايىپ بولاتىن دا، مەن ەلدەن جىراق، بولەك وينايتىنمىن. وسىلاي كوڭىلدى بالادان تۇنجىر، تۇيىق بالاعا اينالىپ كەتتىم. تەك مەكتەپكە بارعان كەزدە عانا ونى كوپ بالالار كولەڭكەسى ىشىندە جوعالتىپ الدىم. ساباق، ويىن، ۇيدەگى جۇمىس ءبارى بىرىگىپ كەلىپ، ونى ۇمىتتىرىپ جىبەردى.

مەن ونى العاشىندا بايقاعان دا، بىلگەن دە ەمەسپىن.  ويتكەنى مەن ول كەزدە بالا ەدىم. كورشى - قولاڭ، اكەمنىڭ نە ىستەگەنىنە  كوپ كوز سالاتىنمىن. اقىل، سانا، كۇشىم جەتكەنشە قايتالاۋعا تىرىساتىنمىن. اسىرەسە، اكەمشە جوتەلسەم ەل ريزا بولىپ كۇلەتىن ەدى. قولدارى بوساي قالعان كەزدە «ءجۇمادىل اتا قايتەدى»، «ءباتىش اپا قايتەدى»، «ماقاش اعا نە ىستەدى» دەپ سۇراپ الىپ، مەنىڭ اتالعان جانداردى اينىتپاي سالعانىمدى كورىپ، كوپ تاڭدانىساتىن. اكەم ۇزاق قاراپ وتىرىپ: «وسى ءارتىس بولار ما ەكەن» دەيتىن.

بىراق ءبىر كۇنى مەن كولەڭكەمدى كوردىم دە، قورقىپ جىلاپ جىبەردىم. جازدىڭ جايدارى شۋاقتى ءبىر كۇنى قاسىمنان پايدا بولعان كولەڭكەم مەن نەنى ىستەسەم دە ءدال قايتالار. ول تىم قورقىنىشتى بولاتىن. مەن باسىندا ودان قۇتىلماق نيەت ەتىپ جان سالا جۇگىردىم. ول قالمادى. وتىرسام وتىرىپ، تۇرسام تۇرىپ، جاتسام جاتاتىن ەدى. تەك مەنەن ەرەكشەلىگى قارا، ءارى ءۇنسىز. كەشكە جاتقاندا ەندى سەنى كورمەسپىن-اق دەسەم دە، تاڭەرتەڭ بىرگە جۇرەدى. ءارى ونىڭ اشىق كۇنى عانا ىلەسەتىنىنە تاڭ قالدىم. ول بۇلتتى، جاڭبىرلى كۇندەرى عايىپ بولاتىن دا، مەن ەلدەن جىراق، بولەك وينايتىنمىن. وسىلاي كوڭىلدى بالادان تۇنجىر، تۇيىق بالاعا اينالىپ كەتتىم. تەك مەكتەپكە بارعان كەزدە عانا ونى كوپ بالالار كولەڭكەسى ىشىندە جوعالتىپ الدىم. ساباق، ويىن، ۇيدەگى جۇمىس ءبارى بىرىگىپ كەلىپ، ونى ۇمىتتىرىپ جىبەردى.

تەك مەكتەپ بىتىرگەن كەزدە عانا ونى كوردىم. ول تۋرا مەن سەكىلدى ۇزىن، دەنەلى سىمباتتى بولىپتى. ونى مىجىپ تاستاعىم كەلدى. ادەيى سول ءۇشىن ۇيدەن شىقپايتىن بولدىم. ەكى يىعىنا ەكى كىسى مىنگەندەي تولىسقان نەمەنى كورگىم كەلمەدى. تەك تۇندە قىدىرۋدى ۇناتتىم، مەنەن دوستارىمنىڭ ءبارى بەزىندى. اسىرەسە، مەنى جاقسى كورەتىن سىنىپتاس قىزىم تاستاپ كەتتى. شىنىن ايتۋ كەرەك، مەن كۇندىز قىزىممەن قىدىرۋدى ۇناتپايتىنمىن، ۇشەۋ بولىپ جۇرگەن كىمگە كەرەك.

اياعىندا بۇكىل اۋىلدا ارالاساتىن ەشكىم قالماعان سوڭ، قالاعا كەتىپ وقۋعا تاپسىردىم. كوز مايىمدى تاۋىسقان كۇندەردىڭ ەسەسى قايتىپ، وڭاي ستۋدەنت بولدىم. قىزى كوپ، قىزىعى كوپ شاھار ءبارىن ۇمىتتىردى. جوعارى وقۋدان سوڭ، مۇعالىم بولىپ، بىردەن ديرەكتورلىق قىزمەتكە اۋىستىرىلدىم. وسى كەزدە ونى جوعالتىپ الدىم. ويتكەنى مەنىڭ ورىنباسارلارىم، جەرلەستەرىم، تانىستارىم ونى كورسەتپەيتىن ەدى. ارتىڭدا، الدىڭدا، جانىڭدا سولار تۇرعاندىقتان ءبارى ۇمىتىلدى. راس، بۇل مەنىڭ باقىتتى شاقتارىم ەدى.

ءتاتتى كۇندەر مەن ديرەكتورلىقتان شىعىپ قالعان سوڭ ءۇزىلدى. ءبارى كەتىپ ەكەۋىمىز عانا قالىپپىز. ول ەڭكەيىپ، جۇدەپ كەتكەن ەكەن.

مەن باقىتتى ەدىم. ول بۇرىنعىداي جۇگىرە المايتىن بولىپتى. ءبىز ءبىر-ءبىرىمىزدى  ۇزاق اڭدىدىق. ۋاقىت كوپ، ءىس جوق ەدى. تەك سوڭعى كۇندەرى ونىڭ كەتىپ قالاتىنىن بايقاپ ەدىم. ول ەرتكىسى كەلەتىندەي، شاقىراتىنداي. مەن كوپ قارسىلاستىم. قويماعان سوڭ بار كۇشىمدى جيناپ ەرتەلەتىپ ۇيدەن شىقتىم. ول مەنى ورتالىق كوشەمەن قالادان اسىپ، شاھار شەتىندەگى قابىرحاناعا الىپ كەلدى. سودان سوڭ باتقان كۇنمەن بىرگە جوعالىپ كەتتى. ەرتەڭىندە مەنى قويدى. «ونى دا كومدى» دەپ ويلايمىن، ءيتتىڭ بالاسىنا سول كەرەك دەگەن ەدىم. بىراق ول ولمەپتى. ول مەنىڭ ۇلىمنىڭ ارتىندا تۇر ەكەن. مەنىڭ ايعايلاعىم كەلدى. تۇك ايتا المادىم.

«ماسا-اقپارات»