استانا. 21 قاراشا. قازتاگ - قازاقستان پرەمەر-ءمينيسترى كارىم ءماسىموۆ جۇمىس ساپارىمەن فرانتسياعا بارادى، دەپ حابارلايدى ۇكىمەت باسشىسىنىڭ ءباسپاسوز قىزمەتى.

«بۇگىن ەلىمىزدىڭ پرەمەر-ءمينيسترى كارىم ءماسىموۆ فرانتسيا رەسپۋبليكاسىنا، پاريجگە جۇمىس ساپارىمەن بارادى. ەرتەڭ قازاقستان ەكونوميكالىق ىنتىماقتاستىق جانە دامۋ ۇيىمىنا (ەىدۇ) قوسىلۋعا ءوتىنىش بەرەدى»، - دەلىنگەن دۇيسەنبى كۇنى پرەمەر-ءمينيستردىڭ سايتىنداعى اقپاراتتا.

ەسكە سالا كەتەيىك، 2011 جىلدىڭ 27 ماۋسىمىندا فرانتسياعا جاساعان رەسمي ساپارىنىڭ اياسىندا ك.ءماسىموۆ ەىدۇ باس حاتشىسى انحەل گۋرريامەن كەزدەسىپ، قازاقستاننىڭ وسى ۇيىمعا مۇشە بولۋ نيەتىن جاريا ەتكەن بولاتىن.

ەىدۇ بارلىق ەكونوميكالىق ماسەلەلەر بويىنشا، ونىڭ ىشىندە G7 جانە G20  اياسىنداعى ەكونوميكالىق ماسەلەلەر بويىنشا كوپجاقتى كەلىسسوزدەرگە ارنالعان ەڭ بەدەلدى فورۋمداردىڭ ءبىرى بولىپ تابىلادى. بۇگىندە ۇيىمعا 34 ەل - اقش، جاپونيا،  وڭتۇستىك كورەيا،  ەۋرووداق ەلدەرى، كانادا، ت.ب. ەلدەر مۇشە. ەىدۇ-عا مۇشە ەلدەر مەن  ۇيىممەن قارقىندى ىنتىماقتاستىق ورناتقان ەلدەر (بارلىعى 40 مەملەكەت) الەمدىك ساۋدا-ساتتىق پەن ينۆەستيتسيانىڭ 80%-ىن قامتىپ وتىر.

استانا. 21 قاراشا. قازتاگ - قازاقستان پرەمەر-ءمينيسترى كارىم ءماسىموۆ جۇمىس ساپارىمەن فرانتسياعا بارادى، دەپ حابارلايدى ۇكىمەت باسشىسىنىڭ ءباسپاسوز قىزمەتى.

«بۇگىن ەلىمىزدىڭ پرەمەر-ءمينيسترى كارىم ءماسىموۆ فرانتسيا رەسپۋبليكاسىنا، پاريجگە جۇمىس ساپارىمەن بارادى. ەرتەڭ قازاقستان ەكونوميكالىق ىنتىماقتاستىق جانە دامۋ ۇيىمىنا (ەىدۇ) قوسىلۋعا ءوتىنىش بەرەدى»، - دەلىنگەن دۇيسەنبى كۇنى پرەمەر-ءمينيستردىڭ سايتىنداعى اقپاراتتا.

ەسكە سالا كەتەيىك، 2011 جىلدىڭ 27 ماۋسىمىندا فرانتسياعا جاساعان رەسمي ساپارىنىڭ اياسىندا ك.ءماسىموۆ ەىدۇ باس حاتشىسى انحەل گۋرريامەن كەزدەسىپ، قازاقستاننىڭ وسى ۇيىمعا مۇشە بولۋ نيەتىن جاريا ەتكەن بولاتىن.

ەىدۇ بارلىق ەكونوميكالىق ماسەلەلەر بويىنشا، ونىڭ ىشىندە G7 جانە G20  اياسىنداعى ەكونوميكالىق ماسەلەلەر بويىنشا كوپجاقتى كەلىسسوزدەرگە ارنالعان ەڭ بەدەلدى فورۋمداردىڭ ءبىرى بولىپ تابىلادى. بۇگىندە ۇيىمعا 34 ەل - اقش، جاپونيا،  وڭتۇستىك كورەيا،  ەۋرووداق ەلدەرى، كانادا، ت.ب. ەلدەر مۇشە. ەىدۇ-عا مۇشە ەلدەر مەن  ۇيىممەن قارقىندى ىنتىماقتاستىق ورناتقان ەلدەر (بارلىعى 40 مەملەكەت) الەمدىك ساۋدا-ساتتىق پەن ينۆەستيتسيانىڭ 80%-ىن قامتىپ وتىر.

2010 جىلدىڭ جەلتوقسان ايىندا قازاقستان ۇكىمەتىنىڭ جانىنان ەىدۇ-مەن  ءوزارا ءىس-قيمىل جونىندەگى كەڭەس قۇرىلدى، كەڭەس اتالعان ۇيىممەن ىنتىماقتاستىقتا ءتۇرلى جوبالاردى  جۇزەگە اسىرۋدى ۇيلەستىرۋمەن اينالىسادى. 2011 جىلدىڭ تامىز ايىندا  وتكەن وتىرىستا قر ۇكىمەتى باقىلاۋشى رەتىندە ەىدۇ-نىڭ ءتورت كوميتەتىنە قوسىلۋدىڭ باعىتتارىن بەكىتتى.

ايتا كەتۋ كەرەك، قازاقستان قازىردىڭ وزىندە ۇيىممەن ىنتىماقتاستىق بويىنشا  بىرقاتار جوبالارعا قاتىسۋدا.

«قازاقستاننىڭ ۇيىمعا قوسىلۋى دامىعان ەلدەردىڭ ۇزدىك ستاندارتتارىن الۋعا، الەمنىڭ ەڭ دامىعان ەلدەرىمەن ىقپالداستىقتى كۇشەيتۋگە مۇمكىندىك بەرەدى»، - دەلىنگەن اقپاراتتا.

ەكونوميكالىق ىنتىماقتاستىق جانە دامۋ ۇيىمى 1947 جىلدان بەرى جۇمىس ىستەپ كەلگەن ەۋروپالىق ەكونوميكالىق ىنتىماقتاستىق ۇيىمىنىڭ نەگىزىندە 1961 جىلى قۇرىلعان. ەىدۇ-نىڭ شتاب-پاتەرى پاريجدە ورنالاسقان (فرانتسيا). ەىدۇ-نىڭ ماقساتى - ۇيىمعا مۇشە ەلدەردەگى ەكونوميكانىڭ ورنىقتى وسۋىنە جانە حالىقتىڭ تۇرمىس دەڭگەيىن كوتەرۋگە، سونداي-اق كوپجاقتى نەگىزدە الەمدىك ساۋدا-ساتتىقتى كەڭەيتۋدى قولداۋعا باعىتتالعان  ساياساتتى جۇزەگە اسىرۋ.