بيىلعى جىلعى نوبەلدىڭ ادەبيەت سالاسى بويىنشا سىيلىعى ماجار جازۋشىسى لاسلو كراسناحوركايعا بۇيىردى.

لاسلو كراسناحوركاي – «سايتاني تانگو» جانە «قارسىلىق مەلانحولياسى» روماندارىمەن تانىمال.

«سىيلىق «اپوكاليپتيكالىق قاسىرەتكە قارسى ونەردىڭ كۇشىن قۋاتتايتىن تارتىمدى جانە تەرەڭ جۇمىسى ءۇشىن» بەرىلدى»، - دەلىنگەن كوميتەتتىڭ ءباسپاسوز حابارلاماسىندا.

لاسلو كراسناحوركاي – 1954 جىلى دۇنيەگە كەلگەن. 2015 جىلى ول ادەبيەت سالاسى بويىنشا «بۋكەر» سىيلىعىن العان.

ماجار جازۋشىسىنىڭ «سايتاني تانگو» جانە «ۆەركمايستەر گارمونيالارى» شىعارمالارىن نەگىزگە الىپ، ايگىلى ماجار رەجيسسەرى بەل تارر فيلم تۇسىرگەن. كراسناحوركاي ءوز شىعارمالارىندا اقىرزامان، رەۆوليۋتسيا جانە الەۋمەتتىك قۇلدىراۋ تاقىرىپتارىن زەرتتەيدى. ونىڭ روماندارى الەم تىلدەرىنە اۋدارىلعان.

ماجار جازۋشىسى لاسلو كراسناحوركاي بۇگىندە يتاليانىڭ تريەست قالاسىندا تۇرادى ەكەن. ول 2023 جىلى «Tank Magazine» جۋرنالىنا بەرگەن سۇحباتىندا بىلاي دەيدى: «كەيدە مەن وسى رەسەيدىڭ ياحتالارى تۇرعان اۋماقتا سۋ جاعالاپ ءجۇرىپ، ولارعا تۇكىرەمىن. بۇل سونشالىقتى قىرعىن دۇنيە ەمەس، بۇل كۇلكىلى جانە قاتە ەكەنىن بىلەمىن، بىراق وسىلاي جاساسام ءسال جەڭىلدەپ قالامىن. ولار تريەستى جايىنا قالدىرىپ، تۇقىم-تۇياعىمەن قۇرىپ كەتسىن دەگىم كەلەدى»، - دەيدى.

Abai.kz