2020 جىلى قازاقستاننان شەت ەلگە 787 ميللياردتان استام تەڭگە جىبەرىلدى. 

ۇلتتىق بانكتىڭ وكىلى ەرلان اشىقبەكوۆ 2019 جىلمەن سالىستىرعاندا اقشا اۋدارىمدارى 20% وسكەنىن ايتتى.

«2020 جىلدىڭ 12 ايىندا قازاقستاننان شەتەلگە جىبەرىلگەن اقشا اۋدارىمدارىنىڭ كولەمى 787,7 ملرد تەڭگەنى قۇرادى. وتكەن جىلى ەڭ كوپ اقشا الۋشىلاردىڭ ءتىزىمى وزگەرىسسىز قالدى. كوشباسشىلار رەسەي (27,1%), قىرعىزستان (21,0%), وزبەكستان (19,5%) جانە تۇركيا (17,4%). بۇل ەلدەردىڭ جالپى سانىنا 85,1% كەلەدى. 2019 جىلمەن سالىستىرعاندا قىرعىزستانعا (+ 90,0%) جانە تۇركياعا (+ 46,4%) اقشا اۋدارىمدارىنىڭ كولەمى ەداۋىر ءوستى»،- دەدى اشىقباەۆ.

سونىمەن بىرگە، 2020 جىلى قازاقستانعا شەتەلدەن 286,9 ملرد. تۇسكەن. اقشا اۋدارىمدارىنىڭ باسىم بولىگى رەسەي (25,8%), وڭتۇستىك كورەيا (18,0%), وزبەكستان (13,4%) جانە قىرعىزستان (11,7%) سياقتى ەلدەردەن اۋدارىلعان.

ال، اۋدارىلعان اقشالاردىڭ باسىم بولىگى نەگىزىنەن ەڭبەك كوشى-قونى جانە ازاماتتاردىڭ، ونىڭ ىشىندە ەكونوميكانىڭ بەيرەسمي سەكتورىندا (ساۋدا نارىقتارىندا) جۇمىس ىستەيتىندەردىڭ كاسىپكەرلىك قىزمەتى ماسەلەلەرىنە قاتىستى.

Abai.kz