جامبىل وبلىسى جاڭاتاس قالاسىنداعى كوپقاباتتى ۇيدە بولعان ءورت وقيعاسى بويىنشا سوتقا دەيىنگى تەرگەۋ امالدارى باستالدى. بۇل تۋرالى وبلىستىق پوليتسيا دەپارتامەنتى باستىعىنىڭ ءبىرىنشى ورىنباسارى باقىت راتاەۆ مالىمدەدى.

- ءورت فاكتىسى بويىنشا قر قىلمىستىق كودەكسىنىڭ 292-بابىنىڭ 3-بولىگى ء(ورت قاۋىپسىزدىگى تالاپتارىن بۇزۋ) بويىنشا سوتقا دەيىنگى تەرگەۋ باستالدى. سوت-ساراپتاما ورتالىعى ماماندارىنىڭ الدىن-الا مالىمەتتەرى بويىنشا، ءولىم ۋلى گازدان ۋلانۋدان، ال ءورتتىڭ اشىق وت كوزى تۇتانعىش ماتەريالدىڭ، ياعني توسەك-ورىن جابىندارىنىڭ بەتىنە تيگەنىنەن بولعان. ءورتتىڭ قورىتىندى سەبەپتەرى بارلىق قاجەتتى ساراپتامالاردىڭ ناتيجەلەرى بويىنشا جاريالاناتىن بولادى, - دەدى راتاەۆ.

ارنايى كوميسسيانىڭ توراعاسى، جامبىل وبلىسى اكىمىنىڭ ورىنباسارى ۇلان جازىلبەكتىڭ ايتۋىنشا، وتباسى تولىققاندى، وتاعاسى مەديتسينالىق  مەكەمەدە جۇمىس ىستەيدى، اناسى دەكرەتتىك دەمالىستا (مەكتەپتە مۇعالىم).

ايتا كەتەيىك، 19 اقپان كۇنى جامبىل وبلىسى سارىسۋ اۋدانى جاڭاتاس قالاسىنداعى 2 ىقشاماۋدانداعى 5 قاباتتى تۇرعىن ءۇيدىڭ 3-ءشى قاباتىندا ءورت شىققان. سالدارىنان  2015, 2016, 2017, 2019 جانە 2020 جىلى تۋعان بەس بالا قايتىس بولدى.

Abai.kz