رامىزدەر تۋرالى زاڭ قازان ايىنا قالدى
ەلىمىزدىڭ قاسيەتتى نىشاندارى تۋ، ءانۇران، ەلتاڭبا تۋرالى، ياعني، رامىزدەر تۋرالى زاڭنىڭ جوباسىن تالقىلاۋ ماسەلەسى الداعى قازان ايىنا قالدى. بۇل تۋراسىندا جۋرناليستەرگە ءماجىلىس دەپۋتاتى داريعا نازارباەۆا قۇلاعدار ەتتى. ايتپاقشى، اتالعان زاڭنىڭ جوباسىن كۇن تارتىبىنە قويىپ جۇرگەن دەپۋتاتتىڭ ءبىرى وسى داريعا نۇرسۇلتانقىزى كورىنەدى.
كەيىنگى كەزدەرى رامىزدەرىمىزدى قورلاۋ، وعان قالاي بولسا سولاي قاراۋ ءىسى جيىلەپ كەتتى.
ەستەرىڭىزدە شىعار، تالدىقورعان قالاسىنداعى ورتالىق الاڭدا شاشىلعان قوقىستى جيناپ جۇرگەندەر بايتاق جۇرتىمىزدىڭ بايراعىنان كۇل تاسيتىن قاپ جاساپ العانىن كوزىمىز كورىپ، جالپاق جۇرتقا جاريا ەتتىك. ول ول ما، الماتى مەن استانا قالالارىندا وتكەن قىسقى ازيا ويىندارىندا حوككەيشىلەرىمىز جەڭىستىڭ بۋىنا ماساتتانىپ تۇرىپ تۋدى جالتىراعان مۇز ايدىننىڭ بەتىنە سىرعىتىپ تاستاي سالدى. كەرەكۋ قالاسىندا كەراۋىز ءبىر پەندە ءانۇراندى مازاق ەتىپ، ونى كاماسۋتراعا تەڭەدى.
قوستانايدا وتكەن شاڭعىشىلاردىڭ وبلىستىق تۋرنيرىندە قازاق ءانۇراننىڭ ورنىنا قايداعى ءبىر شاتا ءان شالقىپ شىعا كەلدى. كۋۆەيتتە بولعان جاعداي اناۋ. بىرەۋ تۋىن جىرتىپ، قاپ قىلىپ سۇيرەتىپ، ءانۇرانىن مازاق ەتىپ جاتسا، دەنى دۇرىس ەلدىڭ بيلىگى ونى تەككە قالدىرماس ەدى. دەگەنمەندە، «ەشتەن كەش جاقسى»: رامىزدەر تۋرالى زاڭ قايتا قارالىپ، مەملەكەتتىك نىشاندارىمىزدى قۇرمەتتەۋ قاتاڭ باقىلاۋعا الىنىپ جاتسا، «ءجون ەكەنگە» جۇگىنەرىمىز انىق.
«اباي-اقپارات»
ەلىمىزدىڭ قاسيەتتى نىشاندارى تۋ، ءانۇران، ەلتاڭبا تۋرالى، ياعني، رامىزدەر تۋرالى زاڭنىڭ جوباسىن تالقىلاۋ ماسەلەسى الداعى قازان ايىنا قالدى. بۇل تۋراسىندا جۋرناليستەرگە ءماجىلىس دەپۋتاتى داريعا نازارباەۆا قۇلاعدار ەتتى. ايتپاقشى، اتالعان زاڭنىڭ جوباسىن كۇن تارتىبىنە قويىپ جۇرگەن دەپۋتاتتىڭ ءبىرى وسى داريعا نۇرسۇلتانقىزى كورىنەدى.
كەيىنگى كەزدەرى رامىزدەرىمىزدى قورلاۋ، وعان قالاي بولسا سولاي قاراۋ ءىسى جيىلەپ كەتتى.
ەستەرىڭىزدە شىعار، تالدىقورعان قالاسىنداعى ورتالىق الاڭدا شاشىلعان قوقىستى جيناپ جۇرگەندەر بايتاق جۇرتىمىزدىڭ بايراعىنان كۇل تاسيتىن قاپ جاساپ العانىن كوزىمىز كورىپ، جالپاق جۇرتقا جاريا ەتتىك. ول ول ما، الماتى مەن استانا قالالارىندا وتكەن قىسقى ازيا ويىندارىندا حوككەيشىلەرىمىز جەڭىستىڭ بۋىنا ماساتتانىپ تۇرىپ تۋدى جالتىراعان مۇز ايدىننىڭ بەتىنە سىرعىتىپ تاستاي سالدى. كەرەكۋ قالاسىندا كەراۋىز ءبىر پەندە ءانۇراندى مازاق ەتىپ، ونى كاماسۋتراعا تەڭەدى.
قوستانايدا وتكەن شاڭعىشىلاردىڭ وبلىستىق تۋرنيرىندە قازاق ءانۇراننىڭ ورنىنا قايداعى ءبىر شاتا ءان شالقىپ شىعا كەلدى. كۋۆەيتتە بولعان جاعداي اناۋ. بىرەۋ تۋىن جىرتىپ، قاپ قىلىپ سۇيرەتىپ، ءانۇرانىن مازاق ەتىپ جاتسا، دەنى دۇرىس ەلدىڭ بيلىگى ونى تەككە قالدىرماس ەدى. دەگەنمەندە، «ەشتەن كەش جاقسى»: رامىزدەر تۋرالى زاڭ قايتا قارالىپ، مەملەكەتتىك نىشاندارىمىزدى قۇرمەتتەۋ قاتاڭ باقىلاۋعا الىنىپ جاتسا، «ءجون ەكەنگە» جۇگىنەرىمىز انىق.
«اباي-اقپارات»
