قۇقىق قورعاۋشىلاردىڭ پىكىرىنشە، كوپتەگەن ەلدەردە بيلىك كوروناۆيرۋسپەن كۇرەستى پايدالانىپ، ءسوز بوستاندىعىنا شەكتەۋ قويىپ كەلگەن.

ۇيىم سىناعان ەلدەردىڭ ىشىندە بەلارۋس، برازيليا، ۆەنگريا، ەگيپەت، يران، يسپانيا، يتاليا، قىتاي، رەسەي، سەربيا، اقش، وزبەكستان، فرانتسيا جانە پارسى شىعاناعى مەن افريكا جانە وڭتۇستىك-شىعىس ازيانىڭ بىرقاتار مەملەكەتتەرى بار.

اۆتورلاردىڭ جازۋىنشا، اشىق اقپاراتقا شەكتەۋ "قاستاندىق تەورياسىنىڭ" كەڭ ەتەك جايىلىپ، حالىقتىڭ ماسكا تاعۋعا، ۆاكتسينا سالۋعا، ارا-قاشىقتىقتى ساقتاۋعا دەگەن قارسىلىعىن وياتقان. سونىڭ سالدارىنان پاندەميا كەزىندە ءولىم سانى كوپ بولعان.

باياندامانى ازىرلەگەن توپ ەندى بىرقاتار مەملەكەتتەر پاندەميانى اقپارات كەڭىستىگىن سىننان، وپپوزيتسيادان جانە تاۋەلسىز باق-تان تازالاۋعا پايدالاندى دەپ ەسەپتەيدى.

ماسەلەن، قىتايدا ءسوز بوستاندىعىن شەكتەۋ كوروناۆيرۋستىڭ تارالۋىنا جول بەرگەن. جۋرناليستەر بەلگىسىز ىندەت جايلى 2019 جىلدىڭ جەلتوقسان ايىندا ايتۋعا تىرىسقان. بىراق كوروناۆيرۋس جايلى ايتقان 5,5 مىڭ ادامعا "جالعان اقپارات تاراتتى" دەگەن ايىپپەن قىلمىستىق ءىس قوزعالعان.

رەسەيدە دە پاندەميا كەزىندە جالعان اقپارات تاراتۋ جونىندە زاڭ قابىلداندى. كەيىن بۇل زاڭدى ەلىندەگى وپپوزيتسيالىق ساياساتكەرلەر مەن بەلسەندىلەرگە قارسى قولداندى.

Abai.kz