جۇما, 29 ناۋرىز 2024
1658 14 پىكىر 26 قازان, 2021 ساعات 13:11

ءسىم: "تاليبانمەن" ساياسي كەلىسسوز جۇرگىزۋ ويىمىزدا جوق

قازاقستاننىڭ سىرتقى ىستەر ءمينيسترى مۇحتار تىلەۋبەردى قازىر اۋعانستان بيلىگىمەن ساياسي كەلىسسوزدەر جۇرگىزۋ مۇمكىن ەمەس ەكەنىن، تەك اۋعان حالقىنا كومەك كورسەتۋ ماسەلەسى تالقىلانىپ جاتقانىن ايتىپتى.  

ونىڭ ايتۋىنشا، جاڭا ۇكىمەتتى حالىقارالىق قاۋىمداستىق ءالى مويىنداعان جوق. ول ءۇشىن بۇۇ قاۋىپسىزدىك كەڭەسىنىڭ قارارى قاجەت. مينيستر بۇعان دەيىن قازاقستان بيلىگى اۋعان حالقىنا 5 مىڭ توننا ۇن گۋمانيتارلىق كومەك جىبەرۋ تۋرالى شەشىم قابىلداعانىن ەسكە سالدى.

سونىمەن قاتار، قر سىرتقى ىستەر مينيسترلىگىنىڭ باسشىسى رەسەيدىڭ «تاليبان» قوزعالىسىن تەرروريستىك ۇيىمدار تىزىمىنەن شىعارۋ تۋرالى باستاماسىنا قاتىستى پىكىر ءبىلدىردى.

«رەسەي بۇۇ قاۋىپسىزدىك كەڭەسىنىڭ تۇراقتى مۇشەسى رەتىندە ماسەلە كوتەرىپ، «تاليبان» قوزعالىسىن تەرروريستىك ۇيىمدار قاتارىنان شىعارۋ تۋرالى قاراردى قاراستىرۋ جانە قابىلداۋ مۇمكىندىگىن كوتەرەدى. مۇنىڭ ءبارى تالىپتەردىڭ حالىقارالىق قۇقىق نورمالارىن، باسقا ەلدەر الدىنداعى مىندەتتەمەلەرىن ساقتاۋىنا بايلانىستى: جانە قوزعالىس ءدىني تەرروريزم مەن ەكسترەميزمنىڭ تارالۋىنا ىقپال ەتپەۋى، كورشى مەملەكەتتەرگە قاۋىپ توندىرمەۋى ءۇشىن قاجەت»، - دەپ ءتۇسىندىردى مۇحتار تىلەۋبەردى.

ايتا كەتەيىك، بۇعان دەيىن رەسەي پرەزيدەنتى ءپۋتيننىڭ «تاليباندى» تىيىم سالىنعان ۇيىمدار قاتارىنان الىپ تاستاۋعا كۇش سالاتىنى تۋرالى جازعان بولاتىنبىز.

«تاليباندى» تەرروريستىك ۇيىمدار تىزىمىنەن الىپ تاستاۋ تۋرالى شەشىم قابىلدايمىز. مەنىڭشە، ءبىز بۇعان بىرتە-بىرتە كەلە جاتىرمىز. رەسەيدىڭ ۇستانىمى – وسى باعىتقا قاراي ءجۇرۋ. ءبىز بۇل ۇيىمدى تەرروريستىك ۇيىمدار تىزىمىنە قوساردا قالاي شەشىم قابىلداساق، قازىر دە تىزىمنەن الىپ تاستاۋعا قاتىستى تۋرا سولاي شەشىم قابىلداۋىمىز كەرەك»، - دەدى پۋتين.

ال، قازاقستاندا تاليباندى تەرروريستىك ۇيىم دەپ تانىعانىن ەسكەرسەك، بۇل تۇرعىدا قازاقستان بيلىگىنىڭ ارەكەتى قانداي بولماق؟

Abai.kz

 

14 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3622