دۇيسەنبى, 3 قازان 2022
سۋرەتتەر سويلەيدى 3512 7 پىكىر 11 مامىر, 2022 ساعات 14:50

قورشاۋداعى «ازوۆ» ارلاندارى قالاي كۇن كەشۋدە؟

رەسەي قورعانىس مينيسترلىگى ۋكراينانىڭ ماريۋپول قالاسىن باسىپ العانىن ءبىر ەمەس، ەكى مارتە رەسمي تۇردە مالىمدەدى. الايدا بۇل اقپارات شىندىققا جاناسپايدى. سەبەبى ماريۋپول قالاسىنداعى الەمگە ايگىلى «ازوۆستال» زاۋىتى ءالى كۇنگە دەيىن ۋكراينا ساربازدارى مەن «ازوۆ» پولكىنىڭ باقىلاۋىندا.

«ازوۆستال» زاۋىتىنىڭ اۋماعى ۇلكەن، ۇزىندىعى ءتۇرلى عيماراتتاردى قوسقاندا 11 شاقىرىمعا سوزىلىپ جاتىر. وڭتۇستىك بولىگى قارا تەڭىزگە شىعۋعا مۇمكىندىك بەرەدى، ال زاۋىتتىڭ ءوزى قۋاتتى يادرولىق سوققىنى ۇستاۋعا قابىلەتتى.

«ازوۆستال» زاۋىتىن رەسەي اسكەرى باعىندىرۋعا بارىن سالۋدا، الايدا ادامي جانە تەحنيكالىق شىعىن وراسان. ءتىپتى، پۋتين زاۋىتتى تىكەلەي شابۋىلداۋعا تىيىم سالىپ، ونى تولىق قورشاپ، بۇعاتتاپ تاستاۋعا بۇيرىق بەرگەن بولاتىن.

زاۋىتتا ناقتى قانشا اسكەري مەن بەيبىت تۇرعىننىڭ بارى بەلگىسىز، كەي دەرەكتەر بويىنشا 2 مىڭنان اسادى. بۇۇ كيەۆ پەن ماسكەۋ اراسىندا ارنايى كەلىسىم جاساپ، زاۋىتتان جۇزدەگەن ادامدى ەۆاكۋاتسيالاۋعا قول جەتكىزدى. الايدا ءالى دە جۇزدەگەن بەيبىت تۇرعىن زاۋىتتا قالىپ وتىر. ولاردى ەۆاكۋاتسيالاۋعا رەسەي اسكەرى كەدەرگى جاساۋدا. ال جاراقات الىپ، جەر سىلكىندىرەر بومبانىڭ استىندا سوعىسىپ جاتقان زاۋىتتى قورعاۋشىلاردىڭ كەيپى سۋرەتتەگىدەي. جارالى، بىراق بەرىلمەيدى، رۋحتارى سىنبايدى.

سۋرەتتەر سويلەيدى...

Abai.kz

7 پىكىر