جۇما, 29 ناۋرىز 2024
ارىلۋ 5074 8 پىكىر 30 مامىر, 2022 ساعات 13:49

قازاق ءتىلدى مازاق كينولارعا توقتاۋ بار ما؟

وسى ماسەلەنى الەۋمەتتىك جەلىدە مۇرات ەسجان باۋىرىمىز كوتەردى. ەندى سول جازباعا كەزەك بەرەيىك:

«تىم جىلاۋىقتىققا سالىنىپ، جوقتان وزگەدەن استار ىزدەۋدى اسا ۇناتپايمىن. دەگەنمەن ءبىر نارسە كوزىمە تۇسە بەرەدى. قازاقتار تۇسىرەتىن كومەديالاردا (كينوسى بار، سەريالى بار) نەگە قازاقشا سويلەيتىن كەيىپكەرلەر كەدەي، اقىماق، ساۋاتسىز، قارا جۇمىس ىستەۋشى، توپىرلاتىپ بالا تۋىپ، سولاردى باعا الماي جۇرگەن، ءۇيسىز-كۇيسىز بوپ كەلەدى دە، ورىسشا سويلەيتىن كەيىپكەرلەر باي، اقىلدى، زاماناۋي ەتىپ كورسەتىلەدى؟

بىرەۋ ادەيى ىستەپ وتىر دەپ كونسپيرولوگياعا سالىنعىم جوق، ساتيرا تەاترلارى داۋىرىنەن قالىپتاسىپ، كۆن-ءدى كوكتەي ءوتىپ، كينوعا مۇرا بولعان كليشە مە دەپ ويلايمىن. دەسە دە، سونى ءتۇسىرىپ جاتقاندا نەگە ءبىر ادام، مەيلى رەجيسسەر، مەيلى اكتەر، «ءاي، مىناۋ قالاي؟» دەمەيدى ەكەن؟ جاساپ جاتقان دا، ءتۇسىپ جاتقان دا قاپ-قارا قازاقتار ەمەس پە؟ «قارنىمنىڭ اشقانىنا ەمەس، قادىرىمنىڭ قاشقانىنا جىلايمىن» دەگەن وسى ەكەن عوي.

اگاراكي سونداي كينو، سەريالدى بىلسەڭىز وسى جازبانىڭ استىنا اتىن اتاپ، ءتۇسىن تۇستەپ جازىپ كەتىڭىزشى. ەڭ بولماسا، جيناپ-تەرنەپ ماقالا جازايىق»، - دەيدى.

وسى جازباعا ءوز تۇسىنىكتەمەسىن قالدىرعان گۋلشات ادي بولسا: «الاكوزوۆا باياننىڭ باستاۋى، كينودا ەكى تىلدە سويلەۋدى سول شىعاردى بىلۋىمشە، قالاي قۇتىلامىز ەندى...»، - دەپ الەم ەلدەرىندە جوق شۇبارلانعان قوس تىلدىلىككە توسقاۋىل قويۋعا شاقىرادى.

«سوندا ۇلتتىق سيپاتى جوق كينولاردان قالاي قۇتىلامىز؟» دەگەن ورتاق ساۋالعا الاش بولىپ جاۋاپ ىزدەيتىن كەز تۋدى.

ءابىل-سەرىك الىاكبار

Abai.kz

8 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1572
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2267
عيبىرات

قايسار رۋحتى عازيز جان

مۇحتار قۇل-مۇحاممەد 3568