شىعىس پەن باتىس اراسىنداعى قازاقستان
قازاقستان بارىپ كورۋگە لايىق: تاۋەلسىز، تۇراقتى، قاۋىپسىز جانە تاماشا لاندشافتى بار ەكونوميكالىق تابىستى مەملەكەت.
ءبىزدىڭ كوپشىلىگىمىزدىڭ فۋتبولدان الەم چەمپيوناتىنىڭ ىرىكتەۋ ماتچتارى وتكەننەن كەيىن قازاقستان تۋرالى تۇسىنىگىمىز قالىپتاسۋى ءمۇمكىن، بىراق ونىڭ دەمالىس ورنى رەتىندەگى الەۋەتى ءالى تولىق اشىلعان جوق. سونىمەن بىرگە، قازاقستان ەۋروپادان قىتايعا دەيىن سوزىلىپ جاتقان زور اۋماعى بار مەملەكەت بولىپ تابىلادى. قازاقستان مىڭداعان كوكجيەكتى ەل رەتىندە تانىمال، بارۋعا لايىق ەل. قىراندار 7 مىڭ مەترگە جەتەتىن بيىك تاۋلار ۇستىندە قالىقتايدى. جارقىراعان كولدەر، ۇلان-بايتاق دالا جانە ەرتەگىدەي ورماندار تاڭعاجايىپ لاندشافتى قۇرايدى. قازاقستاندا 6 مىڭنان استام ءتۇرلى وسىمدىكتەر بار.
تاۋەلسىزدىكتىڭ، بەيبىتشىلىك پەن وركەندەۋدىڭ 20 جىلى
قازاقستان بارىپ كورۋگە لايىق: تاۋەلسىز، تۇراقتى، قاۋىپسىز جانە تاماشا لاندشافتى بار ەكونوميكالىق تابىستى مەملەكەت.
ءبىزدىڭ كوپشىلىگىمىزدىڭ فۋتبولدان الەم چەمپيوناتىنىڭ ىرىكتەۋ ماتچتارى وتكەننەن كەيىن قازاقستان تۋرالى تۇسىنىگىمىز قالىپتاسۋى ءمۇمكىن، بىراق ونىڭ دەمالىس ورنى رەتىندەگى الەۋەتى ءالى تولىق اشىلعان جوق. سونىمەن بىرگە، قازاقستان ەۋروپادان قىتايعا دەيىن سوزىلىپ جاتقان زور اۋماعى بار مەملەكەت بولىپ تابىلادى. قازاقستان مىڭداعان كوكجيەكتى ەل رەتىندە تانىمال، بارۋعا لايىق ەل. قىراندار 7 مىڭ مەترگە جەتەتىن بيىك تاۋلار ۇستىندە قالىقتايدى. جارقىراعان كولدەر، ۇلان-بايتاق دالا جانە ەرتەگىدەي ورماندار تاڭعاجايىپ لاندشافتى قۇرايدى. قازاقستاندا 6 مىڭنان استام ءتۇرلى وسىمدىكتەر بار.
تاۋەلسىزدىكتىڭ، بەيبىتشىلىك پەن وركەندەۋدىڭ 20 جىلى
وسىدان 20 جىلدان استام ۋاقىت بۇرىن كەڭەس وداعى ىدىراعان سوڭ قازاقستان رەسپۋبليكاسى تاۋەلسىزدىك الدى. تاۋەلسىزدىكتىڭ 20 جىلى ىشىندە الەمدەگى كولەمى جاعىنان 9-شى ورىنداعى مەملەكەت ورتالىق ازياداعى ساياسي قاۋىپسىزدىكتىڭ تىرەگىنە جانە باتىستىق ۇلگى بويىنشا ۇلكەن قارقىنمەن دامىپ كەلە جاتقان ەكونوميكالىق دەرجاۆاعا اينالدى. قازاقستان كورشىلەس ەلدەرمەن قوعامداستىقتارعا جانە وداقتارعا بىرىگە ءبىلدى. بۇل ەو-مەن تىعىز بايلانىس ورناتقان بىردەن-ءبىر ورتالىقازيالىق ەل. تاۋەلسىزدىك العان ساتتەن باستاپ ءبىلىم بەرۋدىڭ ۇلتتىق مودەلىن ازىرلەۋ جانە ەنگىزۋ جونىنەن جۇمىستار باستالدى. بۇگىندە حالىقتىڭ ساۋاتتىلىق دەڭگەيى 99 پايىز قۇرايدى. ونىڭ سىرتىندا جاس مەملەكەت دەموكراتيالىق دامۋ جولىمەن سەنىمدى العا باسۋدا.
ەشكىمگە بەلگىسىز مەملەكەتتەن «ەكونوميكالىق تاڭعاجايىپتار» ەلىنە دەيىن
قازاقستان بۇگىندە ەكونوميكاسى ەڭ ءبىر ىرعاقتى دامىپ كەلە جاتقان ەلدەردىڭ ۇشتىگىنە كىرەدى. جان باسىنا شاققانداعى ءىجو 12 000 اقش دوللارىن قۇرايتىن ەل ورتالىق ازيادا كوش باستاۋشى پوزيتسياعا يە. تابيعي رەسۋرستار كەنىنىڭ بايلىعى قازاقستان ەكونوميكاسىنا ينۆەستيتسيالار سالۋداعى تەك ءبىر عانا سەبەپ. 1993 جىلدان بەرى رەسپۋبليكاعا 160 ملرد. اقش دوللارىنان استام تىكەلەي ينۆەستيتسيالار تارتىلدى، ول ءوز كەزەگىندە، بولاشاعى زور جاس رەسپۋبليكا اۋماعىنداعى تۇراقتىلىققا دەگەن سەنىم بەلگىسى رەتىندە قىزمەت اتقارادى.
«اباي-اقپارات»
