سي ساپارىنىڭ ەففەكتىلەرى باستالدى. بۇعان دەيىن مەن قىتاي باسشىسىنىڭ كەلۋىمەن قىتايدىڭ الپاۋىت كومپانيالارى ىسكە كىرىسەدى دەپ جازعان بولاتىنمىن.

بۇگىن Huawei قازاقستان تەمىر جولىمەن ستراتەگيالىق بىرلەستىك جونىندە كەلىسىم شارتقا قول قويدى.

ول نەنى بىلدىرەدى؟

تسيفروۆيزاتسيا كومەگىمەن قىتاي تەمىر جولى ءبىزدىڭ قتج-نىڭ كولەمنەن 2 ەسە كوپ جۇك تاسيدى. وعان ولار لوگيستيكالىق ءتسيفرلى ينتەگراتسيالىق شەشىمدەر ارقىلى قول جەتكىزگەن. Huawei وسىنداي ءتسيفرلى ينتەگراتور. قتج-نى لوگيستيكا الپاۋىتىنا اينالدىرۋ ءۇشىن بىزگە ونىڭ شەشىمدەرى قاجەت بولعان. بىراق ول ستراتەگيالىق قادام بولعاندىقتان قىتايدىڭ ءىرى كومپانيالارى كومپارتيانىڭ قاس-قاباعىنا قارادى. سي مىرزانىڭ كەلۋىمەن قىتايدىڭ ستراتەگيالىق ماڭىزى بار جاڭا تەحنولوگيالارىن ءبىزدىڭ ەكونوميكامىزعا ورناتۋعا رۇقسات بەرىلدى دەۋگە بولادى.

ايبار ولجاەۆ

Abai.kz