جۇما, 29 ناۋرىز 2024
3229 0 پىكىر 22 قىركۇيەك, 2022 ساعات 14:48

نارازى توپ: ء"پۋتيندى سوعىسقا جىبەرەيىك"

رەسەيدە كەشە موبيليزاتسيا جاريالاندى. بۇل كۇتىلگەن ارەكەت بولدى دەسەك تە بولادى. پۋتين بيلىگى حاركوۆ وبلىسىنداعى جەڭىلىستەن كەيىن، قوعام الدىنداعى بەدەلى ءتۇستى. كرەمل پروپاگانديستەرى اسكەردىڭ جەڭىلىسىن ايتا باستادى. 

ماسكەۋدىڭ بۇل جاعدايدا ەكى تاڭداۋى بولاتىن. ءبىرىنشىسى ۇرىس دالاسىنداعى ساتسىزدىكتى مويىنداپ، كەلىسسوزگە كەلۋ. ەكىنشىسى، موبيليزاتسيا جاريالاپ، سوعىستى جالعاستىرۋ، پۋتين ەكىنشى نۇسقانى تاڭدادى. ناتيجەسىندە رەسەيدە ءسوز جۇزىندەگى جارتىلاي موبيليزاتسيا جاريالاندى، ال ءىس جۇزىندە بۇل تولىق موبيليزاتسيا بولماق. سەبەبى رەسەي قورعانىس مينيسترلىگى 300 مىڭ ادامدى جۇمىلدىرامىز دەسە دە، شىندىعىندا ءليميتتى ارتتىرۋى مۇمكىن.

ۆ روسسي پروحوديات پروتەستى پروتيۆ موبيليزاتسي – گازەتا.uz

موبيليزاتسياعا ەڭ ءبىرىنشى بۇرىنعى اسكەريلەر مەن سوعىس تاجىريبەسى بارلار الىنادى. الايدا قاعاز جۇزىندە سولاي بولسا دا، شىن مانىندە باسقاشا. رەسەيدەگى پاراقورلىق دەڭگەيىنە قاراپ، قارجىسى جوقتار سوعىسقا كەتەدى دەۋگە تولىق نەگىز بار.

رەسەي حالقى بۇل شەشىمگە ءۇش ءتۇرلى رەاكتسيا ءبىلدىردى. ءبىر توپ ءپۋتيننىڭ شەشىمىن دۇرىس دەسە، ەندى ءبىر توپ ەلدەن كەتۋ جولدارىن ىزدەپ، ۇشاق پەن پوەزعا بيلەت ىزدەپ كەتتى. كولىككە وتىرىپ، شەكارا اسپاق بولعاندار سانى دا جەتەرلىك. ءۇشىنشى توپ قالا كوشەلەرىنە شىعىپ، نارازىلىقتارىن ءبىلدىردى.

موبيليزاتسيا جاريالاعاننان كەيىن وپپوزيتسيا وكىلدەرى، ناۆالنىيدىڭ كومانداسى مەن سوعىسقا قارسى قوزعالىس وكىلدەرى ميتينگكە شاقىردى. رەسەيدە ماسكەۋ ۋاقىتى بويىنشا 19:00-گە نارازىلىق اكتسيالارى وتەدى دەپ جاريالاندى. رەسەيدىڭ 30-دان استام قالاسىندا اكتسيالار ءوتىپ، ەكى مىڭعا جۋىق ادام ۇستالدى.

ۆ روسسي پروحوديات پروتەستى پروتيۆ موبيليزاتسي – گازەتا.uz

ەسكى ستسەناري بويىنشا ءوتتى. كوشەگە شىعىپ، سوعىسقا قارسى ۇراندار ايتتى. "سوعىسقا جول جوق", ء"پۋتيندى سوعىسقا جىبەرەيىك", "رەسەي-ۋكراينا دوستىعى جاساسىن" دەپ ۇراندادى حالىق. ءتارتىپ ساقشىلارى ميتينگكە شىعۋشىلاردى ۇرىپ-سوعىپ، الىپ كەتتى. وسىلايشا ميتينگتەر ماقساتسىز، ناتيجەسىز اياقتالدى.

باتىس ساراپشىلارى رەسەيدەگى ميتينگتەر ناتيجە بەرمەيدى دەپ سانايدى. سەبەبى كوشباسشى جوق، حالىق از، ال ۇيىمداستىرۋ ءادىسى ەسكى. بۇل وڭاي باسىلىپ-جانشىلادى دەيدى ولار. وسىلايشا رەسەيدەگى انتيسوعىستىق ارەكەتتەر باستالماي جاتىپ، ءبىتتى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618