ۋكراينانىڭ سىرتقى ىستەر ءمينيسترى دميتري كۋلەبا اقش-تىڭ Wall Street Journal گازەتىنە بەرگەن سۇحباتىندا باتىس ەلدەرىن بۇرىن كسرو-نىڭ ىدىراۋىنان قورىقپاعان سەكىلدى رەسەيدىڭ ىدىراۋىنان دا قورىقپاۋعا شاقىردى.

ماقالا اۆتورلارىنىڭ ايتۋىنشا، ۋكراينانىڭ باتىستاعى وداقتاستارى ونىڭ رەسەيدەن جەڭىلمەۋىنە بار كۇشىن سالىپ جاتىر، دەگەنمەن باتىستا كەيبىر ادامدار كيەۆكە جەڭىس تىلەمەيدى.

قازىرگى قولداۋمەن ۋكراينا سوعىس باستالعالى رەسەي باسىپ العان اۋماقتاردى، 2014 جىلى رەسەيگە وتكەن قىرىم مەن دونەتسك، لۋگانسك وبلىستارىنىڭ كەيبىر اۋماقتارىن قايتارىپ الاتىن ەدى.

«وداقتاستاردىڭ كەيبىرى ۋكراينا جەڭسە، يادرولىق قارۋى رەسەي تولىق ىدىراپ، الەم حالقى كۇتپەگەن كەڭ اۋقىمدى ازاماتتىق تولقۋلارعا باستاۋى مۇمكىن دەپ قورقادى»، - دەپ جازادى Wall Street Journal.

كۋلەبا مۇنداي الاڭداۋشىلىق «بۇرىنعى اقش پرەزيدەنتى ءبىرىنشى دجوردج بۋشتىڭ ۇستانىمىن ەسكە تۇسىرەتىنىن» ايتتى.

ول 1991 جىلى ايگىلى سوزىندە «كسرو-نى ساقتاپ قالۋ ءۇشىن ۋكراينا ماسكەۋدىڭ ىقپالىنان شىقپاۋى كەرەك. ۋكراينا ۇلتشىلدىعى ءوزىنىڭ تۇبىنە جەتەدى» دەگەندى ايتقان.

«سوندىقتان مەن الەمدى رەسەيدىڭ ىدىراۋىنان قورىقپاۋعا شاقىرامىن. تاريحتىڭ كوشىن ەشكىم توقتاتا المايدى»،- دەدى كۋلەبا.

«رەسەيدى امان الىپ قالىپ، ادام ەتۋدىڭ قاجەتى جوق. ونى قايتادان حالىقارالىق قاۋىمداستىقتىڭ مۇشەسى ەتۋگە تىرىسۋدان ەشتەڭە شىقپايدى،شىندىقتى قابىلدايتىن كەز كەلدى. رەسەي تاراپ كەتسە، الەمگە ەش زيان كەلمەيدى. كەزىندە رەسەي يمپەرياسى ىدىراعانداي، رەسەيدى ءوز ىشىندەگى ازاماتتار ىدىراتادى»،-دەدى ۋكراينانىڭ سىرتقى ىستەر ءمينيسترى.

كەرىمسال جۇباتقانوۆ

Abai.kz