ەاەو ەلدەرىنىڭ ازاماتتارى قازاقستانعا جۇمىسقا اعىلىپ كەلىپ جاتىر. بۇل تۋرالى LS باسىلىمى جازىپتى.

ەڭبەك جانە حالىقتى الەۋمەتتىك قورعاۋ مينيسترلىگىنىڭ دەرەگى بويىنشا 2022 جىلى ەاەو ەلدەرىنەن قازاقستانعا 76,2 مىڭ ادام كەلگەن. 2021 جىلمەن سالىستىرعاندا 70,8% - عا كوپ، 2021 جىلى 44,6 مىڭ ادام كەلگەن.

ەۋرازيالىق وداق ەلدەرىنىڭ ىشىنەن قازاقستانعا ەڭ كوپ كەلگەن ادامدار – رەسەي ازاماتتارى – 63,3 مىڭ ادام. بۇل 2021 جىلى ەاەو-دان كەلگەن جۇمىسشىلاردىڭ جالپى كورسەتكىشىنەن 41,9% - عا ارتىق.

رەسەيلىكتەردەن  7,2 ەسە از – 8,8 مىڭ ادام قىرعىزستاننان كەلىپ، ەلىمىزدە جۇمىسقا ورنالاسقان. ارمەنيادان 2,3 مىڭ ادام، بەلارۋسسيادان 1,8 مىڭ ادام كەلدى.

ەڭبەك مينيسترلىگى «ەاەو تۋرالى شارتقا سايكەس جۇمىس بەرۋشىلەر ۇلتتىق ەڭبەك نارىعىن (كۆوتالاردى) قورعاۋ جونىندەگى شەكتەۋلەردى ەسكەرمەي، وداققا مۇشە ەلدەردەن جۇمىسشىلار تارتا الاتىنىن» ايتادى. وداققا كىرەتىن ەلدەردىڭ ازاماتتارىنا ءۇشىنشى ەلدەردىڭ ازاماتتارى سياقتى جۇمىس ىستەۋگە رۇقسات الۋدىڭ قاجەتى جوق.

بۇعان دەيىن قازاقستاندا رەسمي تۇردە 13,5 مىڭ شەتەلدىك جۇمىس ىستەپ جاتقانى تۋرالى ايتىلعان.

2023 جىلعى 1 اقپاندا باسشىلار مەن ولاردىڭ ورىنباسارلارى ءۇشىن 570 رۇقسات ء(بىرىنشى سانات), قۇرىلىمدىق بولىمشەلەردىڭ باسشىلارى ءۇشىن 3 مىڭ رۇقسات (ەكىنشى سانات), ماماندار ءۇشىن 7,4 مىڭ، بىلىكتى جۇمىسشىلار ءۇشىن 883, ماۋسىمدىق جۇمىستار ءۇشىن 217, كورپوراتيۆتىك اۋىستىرۋ شەڭبەرىندە 1,4 مىڭ رۇقسات بەرىلگەن ەدى.

Abai.kz