اۋعانداعى ءوز باۋىرىمىزدان ايىرىلىپ قالامىز!
![](https://abai.kz/content/uploads/2023/06/jasmjachmjachm.jpg)
قازاقستان رەسپۋبليكاسىنىڭ
پرەزيدەنتتى قاسىم-جومارت توقاەۆقا
ءوتىنىش
قۇرمەتتى قاسىم-جومارت كەمەلۇلى!
سىزدەن سۇرايتىنىمىز: قازاقستانداعى اۋعانستان ەلىنەن كوشىپ كەلگەن قانداستارىمىزدىڭ ىشىنەن ارنايى كومميسيا قۇرىپ، توپقا ارنايى مامانداردى قوسىپ، اۋعانستانعا جىبەرۋ قاجەت.
اۋعانستان رەسپۋبليكاسى ءبىزدىڭ ەلدەن مول استىق الىپ وتىر.
سوندىقتان دا، ءبىزدىڭ ەلدىڭ قانداي دا ءبىر ۇسىنىسىن ورىنداۋعا ءماجبۇر.
ءبىزدىڭ ەلدەن ارنايى كومميسيا بارىپ، اۋعانستانداعى قازاقتاردىڭ تۇرمىسىمەن تانىسسىن، قۇجات الۋىنا كومەكتەسىپ، ولاردى ەلگە الىپ كەلۋ قاجەت.
بولماسا، اۋعان ەلىندەگى ءوز باۋىرلارىمىزدان ايىرىلىپ قالامىز.
ولاردى سولتۇستىك وبلىستاعى اۋىلدارعا ورنالاستىرۋعا بولادى.
قازىردىڭ وزىندە سولتۇستىك وبلىستاردىڭ اۋىلدىق جەرلەردە حالىق ازايىپ مەكتەپتەر جابىلىپ، اۋىلدار قاڭىرىپ بوس قالۋدا.
اۋعان قازاعى سوعىسقا، اشتىققا، قيىندىققا توزگەن مىقتى حالىق ولار سۋىققا دا شىدايدى، ۇيرەنەدى.
ەڭ باستىسى — ءتىرى قالادى.
اۋعان ەلىندەگى قازاقتار، ەلدىڭ قادىرىن، تۋعان جەردىڭ قادىرىن، بەيبىتشىلىكتىڭ قادىرىن جاقسى بىلەدى.
ولار ەگىن ەگەدى، مال باعادى ءوز كۇندەرىن وزدەرى كورەدى، ۇكىمەتكە سالماق سالمايدى.
قازاق ەلىنە ادال قىزمەت ەتەدى.
ءسىز تۋعان جەرىن، ەلىنەن بەزىپ سيرياعا سوعىسقا قاشقان سالافيتتەر مەن باحابيستەردى دە ۇشاقپەن ەلگە الدىردىڭىز.
ءسىز رەسەيدەگى سوعىستان قاشقان جۇزدەگەن مىڭ ورىستارعا شەكارانى اشىپ ەلگە كىرگىزدىڭىز، جاعداي جاسادىڭىز.
ءسىز قىتاي ازاماتتارىن ۆيزاسىز ەلگە كىرۋىنە رۇقسات بەرىپ، قول قويدىڭىز.
ءسىزدىڭ شەشىمىڭىزگە ساناۋلى ازاماتتار نارازى بولعانىمەن، قازاق حالقى جاپپاي قارسى شىققان جوق.
سوندىقتان دا، اۋعانستانداعى اشتان، سوعىستان، قيىنشىلىقتان قىرىلىپ جاتقان قازاقتاردى،ءوز باۋىرلارىمىزدى ەلگە الدىرۋعا ەشكىم قارسى بولماس دەپ سانايمىن.
بۇل مەنىڭ ەمەس، اۋعانىستانداعى ونداعان مىڭ قازاقتىڭ ءوتىنىشى، اماناتى بولاتىن.
قۇرمەتپەن جانىبەك قوجىق
Abai.kz