اقوردا تاراتقان مالىمەتكە سۇيەنسەك، ەل پرەزيدەنتى قاسىم-جومارت توقاەۆ 23-ءشى قاراشادا ۇقشۇ باسشىلارىنىڭ جينالىسىنا قاتىسۋ ءۇشىن بەلارۋس استاناسى مينسكىگە بارادى.

ال 24-ءشى قاراشا كۇنى بىرىككەن ۇلتتار ۇيىمىنىڭ ورتا ازياعا ارنالعان جوباسىنىڭ باكۋدەگى ساميتىنە قاتىسادى.

بەلارۋس تارابىنىڭ مالىمەتىنشە، 22-ءشى قاراشا كۇنى ۇجىمدىق قاۋىپسىزدىك شارتى ۇيىمىنا مۇشە ەلدەردىڭ سىرتقى ىستەر، قورعانىس، قاۋىپسىزدىك كەڭەسى باسشىلارىڭ باسقوسۋى وتەدى.

وعان قازاقستاننان ءسىم باسشىسى مۇرات نۇرتىلەۋ، قورعانىس ءمينيسترى رۋسلان جاقسىلىقوۆ، قاۋىپسىزدىك كەڭەسى حاتشىسى عيزات نۇرداۋلەتوۆ قاتىسپاق.

ۇيىم حاتشىسى يمانعالي تاسماعانبەتوۆتىڭ ايتۋىنشا، اسكەري ۇيىم 2022 جىلدان بەرگى جوسپارلاعان 34 ءىس-شارانىڭ 32-ءسىن ءساتتى جۇزەگە اسىرعان.

بەلارۋس پرەزيدەنتى الەكساندر لۋكاشەنكو دا بۇل رەتكى باسقوسۋدان ۇلكەن ءۇمىت كۇتىپ وتىرعانىن ايتقان.

بىرىككەن ۇلتتار ۇيىمىنىڭ ارناۋلى ەكونوميكالىق جوباسىنىڭ 25-جىلدىعىنا وراي، بيىل جەنەۆادا ورتالىق ازيا ەلدەرىمەن ارىپتەستىك ورناتىلعان ەدى. ورتا ازيا ەلدەرىنىڭ ەكسپورت الەۋەتىن كوتەرۋدى ماقسات ەتكەن اتالمىش حالىقارالىق جوباعا قازاقستان تارابى 24-ءشى كوكەكتە قوسىلعان.

رەسەي باسىلىمدارى باكۋگە دە، مينسككە دە ارمەنيا باسشىسى پاشينياننىڭ بارمايتىنىن جارىسا جازىپ جاتىر.

ەكى ەلدىڭ اراسىندا سوعىس وتى تۇتانعاندا جەڭىلگەن ارمەنيا باسشىسى ۇقشۇ-دان ەش قايىر بولماعانىن العا تارتىپ، رەسمي تۇردە شىعاتىنىن مالىمدەگەن ەدى.

اbai.kz