تمد-دا جالعاندى جالپاعىنان باسقان ءبىر پرەزيدەنت بولسا، ول – نازارباەۆ ەدى. ەلتسين مەن پۋتين بيلىگى كەزىندە رەسەيشىل ەكى باسشىنىڭ ءبىرى - نازارباەۆ ەدى.

بىراق ەلتسين جانە پۋتين بيلىگىنىڭ باستاپقى كەزىندە لۋكاشەنكو رف باق-تارى تاراپىنان ۇنەمى سىنالىپ جۇرسە، ەلباسىنىڭ قىلشىعى قيسايماي، ورىس بيزنەس جىلىگىنىڭ مايلى باسىن ۇستاۋمەن بولدى. ءتىپتى، وتباسى بيزنەسىنىڭ قاناتىن جايۋى ءۇشىن قازاقتىڭ ەكونوميكالىق مۇددەسىن قۇرباندىققا شالعانىن وتاندىق «اراق-شاراپ» جانە «تەمەكى» بيزنەسىنىڭ رەسەي نارىعىنان قاعىلۋىنان بىلەمىز.

بىراق ەكس-پرەزيدەنتتىڭ ۇپايى تۇگەل بولىپ، قارجى نارىعىندا رەسەيلىك «اتب بانكتى» قالتاسىنا باسقان ەدى. ەندى مىنە، بۇرىنعى پرەزيدەنتكە تيسەلى وسى بانكتىڭ باسىنا سانكتسيا بۇلتى تونگەنى جايىندا باق ءمالىم ەتتى.

دۇيسەنبى كۇنگى مالىمدەمەدە: «نازارباەۆقا تيەسىلى رەسەيلىك «اتب بانك» كەز كەلگەن ۋاقىتتا اقش-تىڭ سانكتسيالىق تىزىمىنە ەنۋى مۇمكىن»، - دەلىنەدى.

ءبىر بىلەتىنىمىز رەسەي قارجى نارىعىنداعى 320 بانكتىڭ 30% -عا جۋىعى شەكتەۋگە تۇسكەن جانە اي سايىن بۇل ءتىزىم تولىعىپ وتىر.

«قازىر «اتب بانك» سانكتسيالاردا جوق، بىراق جىل سوڭىنا قاراي جاعداي وزگەرۋى مۇمكىن. OFAC رەسەيدەگى قارجى ۇيىمدارىن وقشاۋلاۋ بويىنشا ءوز كۇش-جىگەرىن كۇشەيتۋدە»، - دەدى جاعدايمەن تانىس باسىلىم كوزى.

Abai.kz