1969 جىلدان باستاپ رەسپۋبليكا جۇرتشىلىعىنىڭ رۋحاني قاجەتىن وتەپ كەلە جاتقان تۇراقتى  باسىلىمنىڭ ءبىرى «جالىن» جۋرنالى 2013 جىلى تۇركياداعى جازۋشىلار جانە ونەر قايراتكەرلەرىنىڭ حالىقارالىق قورىنىڭ» ۇيىمداستىرۋىمەن وتكەن «18-ءشى حالىقارالىق تۇركى الەمىنە قىزمەت سىيلىعىنىڭ» تۇركى ادەبيەتىنىڭ وتكەنى، قازىرگىسى، كەلەشەگى ءۇشىن» نوميناتسياسىنىڭ جەڭىمپازى اتاندى. بارلىق تۇركى تىلدەس، باۋىرلاس حالىقتاردىڭ رۋحاني قۇندىلىقتارىن اسپەتتەيتىن، قوعامدىق-ازاماتتىق ءىس-شارالاردان شەت قالمايتىن زاڭدى جانە جەكە تۇلعالاردى جىل سايىن ماراپاتتاپ وتىراتىن حالىقارالىق قوردىڭ بيىلعى جۇلدەسىنە «جالىن» جۋرنالى جالپى تۇركى جۇرتشىلىعىنا اتتارى بەلگىلى اقىن-جازۋشىلاردىڭ، عالىمدار مەن ونەر قايراتكەرلەرىنىڭ شىعارمالارىن تەرەڭ تالداۋلار مەن جان-جاقتى ساراپتاۋلاردان كەيىن يە بولىپ وتىر. «جالىن» جۋرنالىندا تۇراقتى جاريالانىپ كەلە جاتقان «تۇركى دۇنيەسىنىڭ كلاسسيكتەرى» ايدارى اياسىندا قازاق وقىرماندارى حۇسەيىن نيحالدىڭ «كوك بورىلەردىڭ ەرلىگى» رومانى مەن حارۋن توكاكتىڭ «قارا شالدىڭ قايعىسى» اتتى شىعارماسىمەن، بەلگىلى عالىم سابري حيزمەتليدىڭ تۇركى ادەبيەتى مەن مادەنيەتى تۋرالى تانىمدىق دۇنيەسىمەن، بەلگىلى جۋرناليست احمەت اليازدىڭ «كورۇعلى» اتتى بۇكىل تۇركى دۇنيەسىنىڭ رۋحاني بىرلىگىن پاش ەتەتىن عىلىمي ەڭبەگىمەن تانىستى.

1969 جىلدان باستاپ رەسپۋبليكا جۇرتشىلىعىنىڭ رۋحاني قاجەتىن وتەپ كەلە جاتقان تۇراقتى  باسىلىمنىڭ ءبىرى «جالىن» جۋرنالى 2013 جىلى تۇركياداعى جازۋشىلار جانە ونەر قايراتكەرلەرىنىڭ حالىقارالىق قورىنىڭ» ۇيىمداستىرۋىمەن وتكەن «18-ءشى حالىقارالىق تۇركى الەمىنە قىزمەت سىيلىعىنىڭ» تۇركى ادەبيەتىنىڭ وتكەنى، قازىرگىسى، كەلەشەگى ءۇشىن» نوميناتسياسىنىڭ جەڭىمپازى اتاندى. بارلىق تۇركى تىلدەس، باۋىرلاس حالىقتاردىڭ رۋحاني قۇندىلىقتارىن اسپەتتەيتىن، قوعامدىق-ازاماتتىق ءىس-شارالاردان شەت قالمايتىن زاڭدى جانە جەكە تۇلعالاردى جىل سايىن ماراپاتتاپ وتىراتىن حالىقارالىق قوردىڭ بيىلعى جۇلدەسىنە «جالىن» جۋرنالى جالپى تۇركى جۇرتشىلىعىنا اتتارى بەلگىلى اقىن-جازۋشىلاردىڭ، عالىمدار مەن ونەر قايراتكەرلەرىنىڭ شىعارمالارىن تەرەڭ تالداۋلار مەن جان-جاقتى ساراپتاۋلاردان كەيىن يە بولىپ وتىر. «جالىن» جۋرنالىندا تۇراقتى جاريالانىپ كەلە جاتقان «تۇركى دۇنيەسىنىڭ كلاسسيكتەرى» ايدارى اياسىندا قازاق وقىرماندارى حۇسەيىن نيحالدىڭ «كوك بورىلەردىڭ ەرلىگى» رومانى مەن حارۋن توكاكتىڭ «قارا شالدىڭ قايعىسى» اتتى شىعارماسىمەن، بەلگىلى عالىم سابري حيزمەتليدىڭ تۇركى ادەبيەتى مەن مادەنيەتى تۋرالى تانىمدىق دۇنيەسىمەن، بەلگىلى جۋرناليست احمەت اليازدىڭ «كورۇعلى» اتتى بۇكىل تۇركى دۇنيەسىنىڭ رۋحاني بىرلىگىن پاش ەتەتىن عىلىمي ەڭبەگىمەن تانىستى. سوپىلىق ءىلىمنىڭ جاۋھارى مەۆلانانىڭ «مەسنەۆي» شىعارماسىنىڭ جۋرنالدىڭ بىرنەشە سانىندا جاريالانۋى دا ءدىني باۋىرلاستىقتى بۇرىنعىدان دا نىعايتا ءتۇستى. «جالىن» جۋرنالى جالپى تۇركى الەمىنە اتى بەلگىلى، كلاسسيك اقىن-جازۋشىلاردىڭ شىعارمالارىن دا ۇدايى ناسيحاتتاپ كەلەدى. ماسەلەن، ءازىربايجان جازۋشىسى اناردىڭ «اق قوشقار، قارا قوشقار» اتتى حيكاياتىنىڭ، سول سياقتى تۇركى الەمىنە ورتاق تۇلعالار شىڭعىس ايتماتوۆ، مۇستاي كارىم، قايسىن كۋليەۆ سىندى تالانتتار شىعارمالارى دا

«جالىن» جۋرنالىندا جاريالاندى. «جالىن» جۋرنالى تۇركى الەمىنە تانىلا باستاعان جاستارعا دا ورىن بەرىپ كەلەدى.

     بۇكىل تۇركى الەمىنە: «كىم شىندىعىن جوعالتىپ السا، كۇندەلىكتى ءومىر اعىسىندا ءسوزى باسقا، ءىسى باسقا بولسا جانە ءوز حالقىنىڭ ۇلتتىق مۇددەلەرىنە، رۋحاني قۇندىلىقتارىنا تامىر جىبەرە الماسا، قانشاما ءبىلىمدى بولعانىمەن ول ادامعا قوعامدىق سەنىم ارتۋ – رۋحسىزدىق ءارى ادىلەتسىزدىك» دەگەن مازمۇندا ۇستانىم ۇسىنعان، «تۇركى تىلدەس حالىقتار اراسىنداعى ەڭ ۇزدىك الەم اقىنى» سىيلىعىنىڭ يەگەرى م.شاحانوۆ باسقاراتىن «جالىن» جۋرنالىنا بۇل سىيلىق 2014 جىلدىڭ مامىر ايىندا، قىرعىزستاندا وتەتىن «شىڭعىس ايتماتوۆ جانە تۇركى الەمى» اتتى حالىقارالىق كونفەرەنتسيادا تابىس ەتىلمەك.

نۇرعالي ءجۇسىپباي،

ەركىنبەك سەرىكباي

رەداكتسيادان: الاشتىڭ ايتۋلى اقىنى، مەملەكەت ءام قوعام قايراتكەرى، مۇحتار شاحانوۆ اعامىز باسقارىپ وتىرعان «جالىننىڭ» جالىندى ۇجىمىن «18-ءشى حالىقارالىق تۇركى الەمىنە قىزمەت سىيلىعىنىڭ» تۇركى ادەبيەتىنىڭ وتكەنى، قازىرگىسى، كەلەشەگى ءۇشىن» نوميناتسياسىنىڭ جەڭىمپازى اتانۋىمەن قۋانا قۇتتىقتاپ، شىعارماشىلىق تابىستار تىلەيمىز.

Abai.kz