پرەمەر-ءمينيستردىڭ ءبىرىنشى ورىنباسارى رومان سكليار اەس بويىنشا قۇرىلاتىن كونسورتسيۋم قۇرامىندا قانشا ەل بولاتىنىن ايتتى.

- مەنىڭشە، كونسورتسيۋم قۇرامىندا بەس مەملەكەتتەن ارتىق ەل بولمايدى. اتوم ەلەكتر ستانتسياسى ءبىر عانا نىسان ەمەس، ونىڭ قۇرىلىمى بىرقاتار نىساننان تۇرادى.

سوندىقتان ءارتۇرلى ەلدەردىڭ وزىق تەحنولوگيالارىن العاندا جانە ونى جوبالاۋ كەزىندە وسىنداي جۇمىستاردى جۇرگىزۋ مىندەتى تۇر. ونىمەن قوسا، بۇل ستانتسيانىڭ قۇرىلىسىنا ءتۇرلى كومپانيالار مەن قوسالقى مەردىگەرلەر قاتىسادى. مۇنداي الەمدىك تاجىريبە قازىردىڭ وزىندە بار، ويتكەنى يادرولىق قۇرىلعىنى ءبىر ەل، تۋربينانى ەكىنشى ەل جاساي الادى.

مۇنىڭ ءبارى قوسىلىپ جاقسى ناتيجە بەرمەك. سوندىقتان ءبىز تەك ءبىر مەردىگەرگە مەن جەتكىزۋشىگە توقتالماي، تاجىريبە كورسەتكەندەي، ەڭ ءتيىمدى جۇمىس ىستەيتىن كونسورتسيۋم قۇرۋىمىز كەرەك. ماسەلە سوندا، - دەدى رومان سكليار.

Abai.kz