ەلدەگى جۇمىسسىزداردىڭ جارتىسىنان كوبى – ايەلدەر. ولاردىڭ جۇمىسسىزداردىڭ جالپى سانىنداعى ۇلەسى وسى جىلدىڭ ەكىنشى توقسانىندا 53,8%-دى قۇرادى. بۇل 2023 جىلدىڭ سايكەس كەزەڭىمەن سالىستىرعاندا (54,6%) از، بىراق 2022 جىلدىڭ ەكىنشى توقسانىمەن سالىستىرعاندا (52,9%) كوپ.

«ءبىر جىل ىشىندە جۇمىسسىز ايەلدەر سانى 1,8%-عا، 242,6 مىڭعا دەيىن قىسقاردى، ونىڭ 156,3 مىڭى قالا حالقىنا، ال 88,3 مىڭى اۋىل حالقىنا تيەسىلى. ايتا كەتۋ كەرەك، قالالارداعى جۇمىسسىز ايەلدەر سانى ءىس جۇزىندە وزگەرگەن جوق، ال اۋىلدىق جەرلەردە ول 4,9%-عا ازايدى.

ايەلدەر اراسىنداعى جۇمىسسىزدىق دەڭگەيى ەرلەرگە قاراعاندا جوعارى: 5,2% جانە 4,2%. ءبىر جىل بۇرىن ايەلدەر اراسىنداعى جۇمىسسىزدىق 5,3% قۇرادى، ال سوڭعى جىلدارداعى ەڭ جوعارى كورسەتكىش 2021 جىلدىڭ ەكىنشى توقسانىندا 5,6% بولدى.

اۋىلدا ايەلدەر اراسىنداعى جۇمىسسىزدىق دەڭگەيى قالالارعا قاراعاندا جوعارى: 5,2% جانە 5,1% ء(بىر جىل بۇرىن – 5,4% قارسى 5,3%).

وڭىرلەر بولىنىسىندە ايەلدەر اراسىنداعى جۇمىسسىزدىقتىڭ ەڭ جوعارى دەڭگەيى 2024 جىلدىڭ ەكىنشى توقسانىندا جەتىسۋ وبلىسىندا تىركەلدى: 7,1% (9,8 مىڭ جۇمىسسىز ايەل). ودان كەيىن ماڭعىستاۋ وبلىسى – 6,9% (12,1 مىڭ ادام). ايتا كەتۋ كەرەك، الماتى (34,5 مىڭ ادام) جانە باتىس قازاقستان وبلىستارىنىڭ (10 مىڭ ادام) ارقايسىسىندا 5,8%-دى قۇرادى»، - دەپ جازادى Finprom.

زەرتتەۋ مالىمەتىنشە، ايەلدەر اراسىنداعى جۇمىسسىزدىقتىڭ ەڭ تومەن دەڭگەيى الماتى وبلىسىندا (4,4% نەمەسە 15,7 مىڭ جۇمىسسىز ايەل), سونداي-اق استانادا (4,5% نەمەسە 16,4 مىڭ ادام) جانە شىعىس قازاقستان وبلىسىندا (4,5% نەمەسە 8,3 مىڭ ادام) بايقالدى.

جاسى بويىنشا جۇمىسسىزدىقتىڭ ەڭ جوعارى دەڭگەيى 35 پەن 44 جاس ارالىعىنداعى ايەلدەر اراسىندا تىركەلدى: 6,6%. ودان كەيىن 45-تەن 54 جاسقا دەيىنگى (6%) جانە 55-تەن 64 جاسقا دەيىنگى (5,5%) جاس توپتارى كەلەدى. جۇمىسسىزدىقتىڭ ەڭ تومەنگى دەڭگەيى 29 بەن 34 جاس ارالىعىنداعى ايەلدەر اراسىندا بايقالدى: 3,3%.

ايتا كەتۋ كەرەك، 25 جاستان 28 جاسقا دەيىنگى جاس توبىندا ايەلدەر اراسىنداعى جۇمىسسىزدىق دەڭگەيى ءبىر جىل ىشىندە كۇرت تومەندەدى: 2023 جىلى 6,1%-دان بيىلعى 3,5%-عا دەيىن.

Abai.kz