قازاقستاندا قىلمىستىق جاۋاپقا تارتۋ جاسى تومەندەتىلمەيدى. بۇل تۋرالى پرەمەر-مينيستر ولجاس بەكتەنوۆ دەپۋتاتتىق ساۋالعا بەرگەن جاۋابىندا مالىمدەدى.

بۇعان دەيىن ءماجىلىستىڭ ءبىر توپ دەپۋتاتى بالالاردى قىلمىستىق جاۋاپكەرشىلىككە تارتۋ جاسىن 14 جاستان 12 جاسقا دەيىن تومەندەتۋدى ۇسىنعان. الايدا ۇكىمەت بۇل ۇسىنىستى قولداعان جوق.

«جاۋاپكەرشىلىكتى 12 جاستان بەكىتۋ بالالاردى قورعاۋ مەن تاربيەلەۋگە قاتىستى قۇقىقتىق جانە گۋمانيستىك كوزقاراستارعا قايشى كەلەدى. سەبەبى بۇل جاستا بالالار ءوز ارەكەتىنىڭ قوعامعا قانشالىقتى قاۋىپ توندىرەتىنىن تولىق تۇسىنبەيدى»، - دەيدى ولجاس بەكتەنوۆ.

وسى ورايدا پرەمەر الەمدىك تاجىريبەنى مىسالعا كەلتىرگەن. ونىڭ ايتۋىنشا، گەرمانيا، جاپونيا، رەسەي، فينليانديا جانە ۇلىبريتانيا ەلدەرىندە قىلمىستىق جاۋاپكەرشىلىك 14-15 جاستان باستالادى.

Abai.kz