جەكسەنبى كۇنى مولدوۆادا «پرەزيدەنتتىك سايلاۋمەن» قاتار, ەۋروپالىق وداققى قوسىلۋ تۋرالى رەفەرەندۋم قاتار ءوتتى. بۇگىن سونىڭ ناتيجەلەرىنە از-كەم توقتالعاندى ءجون سانادىق.

ۋكراينا، گرۋزيامەن بىرگە ەۋروپالىق وداققا رەسمي شاقىرتۋ العان مولدوۆا جالپىحالىقتىق رەفەرەندۋم وتكىزىپ، داۋىس ساناپ جاتىر. قازىرگە دەيىن 98 پايىز بۇلەتەن سانالىپ بىتكەن.

بۇلەتەندە: «مولدوۆا رەسپۋبليكاسىن ەۋروپالىق وداققا قوسۋ ماقساتىندا كونستيتۋتسياعا وزگەرىستەر ەنگىزۋدى قولدايسىز با؟» دەگەن سۇراق بولعان. «ءيا» نەمەسە «جوق» دەگەن ەكى جاۋاپ قانا بولعان.

ارالىق ەسەپ بويىنشا: ەلەكتوراتتىڭ 50,28 پايىزى ەۋروينتەگراتسيانى قولداپ داۋىس بەرسە، 49,72 پايىزى ەو-عا مۇشە بولۋعا قارسى داۋىس بەرگەن.

پرەزيدەنتتىك سايلاۋدىڭ ەكىنشى كەزەڭى: ساندۋ مەن ستويانوگلو ەرەگەسى

ايتپاقشى، مولدوۆادا رەفەرەندۋممەن قاتار پرەزيدەنتتىك سايلاۋ قاتار ءوتتى. قازىرگى پرەزيدەنت مايا ساندۋ بۇلەتەن سانى بويىنشا جەڭىسكە جەتتى. ول 37 پايىزدان اسا داۋىس جينادى. ال ونىڭ باستى قارسىلاسى الەكساندر ستويانوگلو 29 پايىز داۋىس جيناعان.

وسىلايشا، مولدوۆادا پرەزيدەنتتىك سايلاۋدىڭ ەكىنشى كەزەڭى وتەتىن بولدى. وندا قازىرگى پرەزيدەنت مايا ساندۋ مەن بۇرىنعى باس پروكۋرور ستويانوگلو باق سىناسپاق.

Abai.kz