قازان ايىنىڭ سوڭىندا قازاقستاننىڭ ەنەرگەتيكا ءمينيسترى الماسادام ساتقاليەۆ وڭتۇستىك كورەياعا بارىپ، كورەيالىق جەتەكشى كومپانيالاردىڭ وكىلدەرىمەن كەزدەستى.

«بۇل كەلىسسوزدەردىڭ باستى تاقىرىبى اتوم ەنەرگەتيكاسى بولدى. سوندىقتان وڭتۇستىك كورەءيدىڭ ءبىرىنشى قازاقستاندىق اەس قۇرىلىسىنا مەردىگەرلىك الۋ مۇمكىندىگى كۇرت وسكەن سياقتى»، - دەپ بولجايدى وردا سايتى.

ال «The Times of Central Asia»: «سەۋلدەگى كەلىسسوزدەردىڭ نەگىزگى تاقىرىبى – اتوم ەنەرگەتيكاسى بولىپ تابىلدى. بىراق ساتقاليەۆ وسى ساپارىندا بىرىڭعاي وڭتۇستىك كورەيدىڭ ساۋدا، ونەركاسىپ جانە ەنەرگەتيكا مينيسترىمەن مۇناي-گاز سەكتورىنداعى جانە جاڭارتىلاتىن ەنەرگيا كوزدەرىن پايدالانۋداعى ىقتيمال ىنتىماقتاستىقتى تالقىلادى»، - دەپ جازادى.

ەنەرگەتيكا مينيسترلىگىنىڭ باسشىسى سونداي-اق وسى ساپارى بارسىندا كورەيلىك «Doosan Enerbility»، «Korea Hydro & Nuclear Power» (KHNP), «Korea Electric Power Corporation» (KEPCO), «Korea National Oil Corporation» (KNOC), «Samsung» سىندى جەتەكشى كومپانيالارىنىڭ وكىلدەرىمەن كەزدەسكەن. ول وڭتۇستىك كورەيدىڭ العاشقى قازاقستاندىق اەس قۇرىلىسىمەن اينالىساتىن حالىقارالىق كونسورتسيۋمعا قاتىسۋ مۇمكىندىگىن ءسوز ەتكەن.

وسىدان بارىپ: «قر  ەنەرگەتيكا مينيسترلىگىنىڭ باسشىسى كورەيلىك ينۆەستورلارمەن ستانتسيا سالۋ تۋرالى كەلىستى مە؟» «تاراپتار تاعى نە تالقىلادى؟» دەگەن اۋانداعى ساۋالدار تۋىندايدى. ونىڭ جاۋابىن الداعى ۋاقىتتا بىلە جاتارمىز...

Abai.kz