سەناتور گەننادي شيپوۆسكيح TikTok-تاعى كونتەنت ادام ومىرىنە قاۋىپتى ەكەنىن ايتىپ، ونى بۇعاتتاۋدى ۇسىنعان بولاتىن. پرەمەر-مينيستر ولجاس بەكتەنوۆ بۇل ماسەلەگە قاتىستى ۇكىمەتتىڭ ۇستانىمىن ايتتى.

«اككاۋنت يەلەرى 13 جاسقا تولماسا، وندا جويىلعان ەسەپتىك جازبالاردى جويىپ، ولاردىڭ سانىن كوپشىلىككە جاريا ەتكەن العاشقى ءىرى پلاتفورما Tikتok بولدى. 2024 جىلدىڭ قاڭتار-تامىز ايلارى ارالىعىندا TikTok 13 جاسقا تولماعان پايدالانۋشىلارعا تيەسىلى قازاقستانداعى 1 239 635 ەسەپتىك جازبانى جويدى، ال وتكەن جىلى ولاردىڭ سانى 1 842 467 ەسەپتىك جازبا بولدى»، - دەدى ولجاس بەكتەنوۆ.

TikTok قوسىمشاسى 12+ رەيتينگىنە يە، بۇل اتا-انالارعا ءموبيلدى قۇرىلعىداعى اتا-انا باقىلاۋى قۇرالدارى ارقىلى بالانىڭ قوسىمشانى جۇكتەۋىنە جول بەرمەيدى.

«ۋاكىلەتتى ورگان قۇقىق قورعاۋ ورگاندارىمەن جانە ارناۋلى مەملەكەتتىك ورگاندارمەن بىرلەسىپ، زاڭسىز كونتەنتتى تابۋ جانە جويۋ الگوريتمىن جاقسارتۋ ماقساتىندا تۇراقتى نەگىزدە TikTok وكىلدەرىمەن جۇمىس كەڭەستەرىن وتكىزەدى. ناتيجەسى بويىنشا مودەراتسيا مۇمكىندىكتەرىن ارتتىرۋ ءۇشىن جاڭا تەحنولوگيالاردى ەنگىزۋ بويىنشا ۇسىنىستار ازىرلەۋ جۇزەگە اسىرىلىپ كەلەدى»، - دەلىنگەن ۇكىمەت باسشىسىنىڭ دەپۋتاتتارعا بەرگەن رەسمي جاۋابىندا.

Abai.kz