ساپالى ءبىلىم-مەملەكەتتىڭ وركەندەۋى مەن تۇراقتىلىعىنىڭ باستى نەگىزى. قازىرگى جاھاندانۋ زامانىندا كەز كەلگەن مەملەكەتتىڭ باسەكەگە قابىلەتتىلىگى ونىڭ ءبىلىم بەرۋ جۇيەسىنىڭ ساپاسىنا بايلانىستى.

سوندىقتان، قازاقستان ءۇشىن ساپالى ءبىلىم بەرۋ ەلدىگىمىزدىڭ باستى كەپىلى بولىپ تابىلادى. ءبىلىمدى ازاماتتار-ەلدىڭ ەكونوميكالىق جانە الەۋمەتتىك دامۋىنا تىكەلەي ىقپال ەتۋشى كۇش. ولار جاڭا تەحنولوگيالاردى مەڭگەرىپ، ەكونوميكانىڭ ءتۇرلى سالالارىن دامىتۋعا ۇلەس قوسادى. سونىمەن قاتار، ءبىلىمدى ۇرپاق قوعامداعى مادەنيەت پەن الەۋمەتتىك تۇراقتىلىقتىڭ ساقتالۋىنا دا ىقپال ەتەدى. ءبىلىم العان ادام كەڭ ويلاپ، سىني تۇرعىدان پايىمداي بىلەدى، قوعامداعى پروبلەمالاردى شەشۋگە بەلسەنە ارالاسادى. بۇۇ-نىڭ باستاۋىمەن العاش رەت «تۇراقتى دامۋ» كونتسەپتسياسى ۇسىنىلدى. «تۇراقتى دامۋ ماقساتتارى» – قازىرگى ۋاقىتتىڭ قاجەتتىلىگىن قامتاماسىز ەتە وتىرىپ، بولاشاق ۇرپاقتاردىڭ ءوزىنىڭ قاجەتتىلىكتەرىن قامتاماسىز ەتۋىنە قاۋىپ تۋعىزبايتىن دامۋ.تۇراقتى دامۋ ماقساتتارى  كونتسەپتسياسىنىڭ 4 ءبولىمى –«ساپالى  ءبىلىم» ەكەن العا تارتقىم كەلەدى. بۇل ماقساتقا جەتۋ ءۇشىن ءبىلىم بەرۋ ساپاسىن ۇزدىكسىز جەتىلدىرۋ قاجەت.

قازاق ۇلتتىق ۋنيۆەرسيتەتىنىڭ دامۋىنا زاڭ فاكۋلتەتى مەملەكەت جانە قۇقىق تەورياسى مەن تاريحى، كونستيتۋتسيالىق جانە اكىمشىلىك قۇقىق كافەدراسىندا وقۋ  الەمدىك ستاندارتتارعا ساي، زامان تالابىنا سايكەس وقۋ باعدارلامالارىمەن جۇيىس جاسايدى.كافەدرادا تەوريالىق ءبىلىمدى تاجىريبەمەن ۇشتاستىرۋعا ەرەكشە نازار اۋدارادى.وقىتۋشىلاردىڭ كاسىبي دامۋىنا جاعداي جاساپ، ولاردىڭ بىلىكتىلىگىن ارتتىرۋ  كافەدارانىڭ باستى مىندەتى. قازىرگى زامانعى ءبىلىم بەرۋ جۇيەسى تسيفرلىق تەحنولوگيالارعا نەگىزدەلۋى ءتيىس. ونلاين پلاتفورمالار مەن تسيفرلىق قۇرالدار وقىتۋدىڭ تيىمدىلىگىن ارتتىرۋعا ءبىلىم الۋشىلاردىڭ ءوز بەتىنشە ىزدەنۋىنە مۇمكىندىك بەرەدى.جاستاردىڭ عىلىمي-زەرتتەۋ داعدىلارىن قالىپتاستىرۋ ارقىلى ءبىلىم مەن عىلىمنىڭ تىعىز بايلانىسىن ارتتىرۋعا وقىتۋشىلار قۇرامى ءوز ۇلەسىن قوسۋدا.ستۋدەنتتەردىڭ عىلىمي جوبالارعا قاتىسۋى ولاردىڭ سىني ويلاۋ جانە ماسەلەنى شەشۋ قابىلەتتەرىن دامىتادى.جاھاندانۋ كەزەڭىندە ءاربىر ەلدىڭ باسەكەگە قابىلەتتىلىگى ءبىلىمدى مامانداردىڭ كوپتىگىمەن ولشەنەدى. ءبىلىم ساپاسى جوعارى مەملەكەتتەر يننوۆاتسيالار مەن تەحنولوگيالىق جەتىستىكتەردى العا تارتۋ ارقىلى الەمدىك ارەنادا ءوز ورنىن نىعايتادى. قازاقستان ءۇشىن دە ساپالى ءبىلىم بەرۋ - ەلدىڭ دامۋىنىڭ كەپىلى جانە حالىقارالىق ارەنادا بەدەلىن ارتتىرۋدىڭ ءتيىمدى جولى.ءبىلىم — قوعامنىڭ رۋحاني بايلىعى. ءبىلىمدى ۇرپاق تاربيەلەۋ ارقىلى ءبىز ەلىمىزدىڭ  ەرتەڭىن قامتاماسىز ەتەمىز. جاس ۇرپاق ءوز ەلىن ءسۇيىپ، ونىڭ دامۋىنا ۇلەس قوساتىن، دۇنيەتانىمى كەڭ، جاۋاپتى ازامات بولىپ قالىپتاسۋى قاجەت. بۇل ءۇشىن مەملەكەت ساپالى ءبىلىم بەرۋ جۇيەسىن قۇرۋدى ماقسات ەتەدى، ال ءاربىر ازامات ءوزىنىڭ ءبىلىمىن ۇزدىكسىز جەتىلدىرىپ وتىرۋعا ۇمتىلۋى كەرەك.

ساپالى ءبىلىم بەرۋ-جارقىن بولاشاقتىڭ كەپىلى. ەلدىڭ دامۋى مەن تۇراقتىلىعىن قامتاماسىز ەتۋ ءۇشىن ءبىلىم بەرۋ جۇيەسىنە ەرەكشە كوڭىل ءبولۋ قاجەت. ءبىلىمدى، سانالى، شىعارماشىل ۇرپاق عانا قازاقستاننىڭ تاۋەلسىزدىگى مەن ەلدىگىنىڭ ماڭگىلىك بولۋىنا ۇلەس قوسا الادى. ساپالى ءبىلىم – قوعامنىڭ تۇراقتى دامۋى مەن ازاماتتاردىڭ ءومىر ءسۇرۋ دەڭگەيىن ارتتىرۋدىڭ نەگىزگى فاكتورى. ساپالى ءبىلىم بەرۋ جۇيەسىن قالىپتاستىرۋ ارقىلى قازاقستان دامىعان ەلدەر قاتارىنا قوسىلۋعا ۇمتىلۋدا.

ۋسەينوۆا ك.ر.،

ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتى مەملەكەت جانە قۇقىق تەورياسى مەن تاريحى،كونستيتۋتسيالىق جانە اكىمشىلىك قۇقىق كافەدراسىنىڭ مەڭگەرۋشىسى، زاڭ عىلىمدارىنىڭ كانديداتى

Abai.kz