بيشىمباەۆتىڭ قاي تۇرمەدە وتىرعانى بەلگىلى بولدى
مارقۇم سالتانات نۇكەنوۆا تاراپىنىڭ مۇددەسىن قورعاعان ادۆوكات جاننا ورازباقوۆا قاجك مەكەمەسىنە حات جولداپ، ەكس-مينيستر قۋاندىق بيشىمباەۆتىڭ قايدا جازاسىن وتەپ جاتقانىن ءبىلدى، دەپ حابارلايدى Abai.kz Ulysmedia.kz. سىلتەمە جاساپ.
بيشىمباەۆ قايدا؟
ادۆوكات ينستاگرام پاراقشاسىندا سوتتالعان ەكس-شەنەۋنىكتىڭ اقمولا وبلىسى ستەپنوگورسك قالاسىنداعى قاجد №5 مەكەمەدە (تۇزەتۋ مەكەمەسىنىڭ 7 ونەركاسىپ ايماعى، 14 ا عيمارات) جازاسىن وتەپ جاتقانىن حابارلادى.
11 قاراشادا قاجك ءباسپاسوز قىزمەتى سالتانات نۇكەنوۆانى ولتىرگەنى ءۇشىن سوتتالعان بيشىمباەۆ ەڭ جوعارى قاۋىپسىزدىك مەكەمەسىندە جازاسىن وتەپ جاتقانىن، ال ونىڭ قاشقانى تۋرالى كەز كەلگەن مالىمەتتەر جالعان ەكەنىن حابارلادى.
بۇل قاۋەسەتكە سوتتالعان ەكس-ءمينيستردىڭ ناقتى ورنالاسقان جەرىن تابۋعا تىرىسقان YouTube ارنالارىنىڭ بىرىندە جاريالانعان سيۋجەتى سەبەپ بولعان. سونىڭ سيۋجەتتە بيشىمباەۆ بولۋى ءتيىس كولونيادا ول جوق دەپ ايتىلعان، بۇل الەۋمەتتىك جەلىلەردە جالعان اقپارات تولقىنىن تۋعىزعان. قاجك ازاماتتاردى جالعان اقپارات تاراتۋدان ساقتاندىرىپ، رەسمي اقپارات كوزدەرىنە سۇيەنۋگە شاقىردى. ۆەدومستۆو سوتتالۋشىنىڭ قاشىپ كەتكەنى تۋرالى جالعان قاۋەسەتتەردىڭ نەگىزى جوق ەكەنىن جانە تاراتۋشىلارعا قارسى قىلمىستىق ءىس قوزعالعانىن اتاپ ءوتتى. "كىنالىلەر جاۋاپقا تارتىلادى" دەپ قوستى ءباسپاسوز قىزمەتى.
Abai.kz
