ءبىلىم – ادامزات وركەنيەتىنىڭ نەگىزى، ءاربىر ەلدىڭ بولاشاعىن انىقتايتىن باستى قۇندىلىق. بۇگىنگى تاڭدا ساپالى ءبىلىم بەرۋ – تەك جەكە تۇلعانىڭ عانا ەمەس، تۇتاس ۇلتتىڭ وركەندەۋى ءۇشىن شەشۋشى فاكتورعا اينالدى.

ساپالى ءبىلىم- بۇل تەك تەوريالىق ءبىلىم ەمەس، سونىمەن بىرگە ونى ءىس جۇزىندە قولدانا ءبىلۋ، شىعارماشىلىق ويلاۋ، ماسەلەنى شەشۋ قابىلەتتەرىن دامىتۋ. ول تۇلعانىڭ جان-جاقتى دامۋىن، ومىرگە بەيىمدىلىگىن، باسەكەگە قابىلەتتىلىگىن قامتاماسىز ەتەدى. بۇۇ-نىڭ باستاۋىمەن العاش رەت «تۇراقتى دامۋ» كونتسەپتسياسى ۇسىنىلدى. «تۇراقتى دامۋ ماقساتتارى» – قازىرگى ۋاقىتتىڭ قاجەتتىلىگىن قامتاماسىز ەتە وتىرىپ، بولاشاق ۇرپاقتاردىڭ ءوزىنىڭ قاجەتتىلىكتەرىن قامتاماسىز ەتۋىنە قاۋىپ تۋعىزبايتىن دامۋ. تۇراقتى دامۋ ماقساتتارى  كونتسەپتسياسىنىڭ 4 ءبولىمى –«ساپالى  ءبىلىم». ءال-فارابي اتىنداعى قازۇۋ مەملەكەت جانە قۇقىق تەورياسى مەن تاريحى، كونستيتۋتسيالىق جانە اكىمشىلىك قۇقىق  كافەدراسىنىڭ پروفەسسورلىق-وقىتۋشىلار قۇرامى ساپالى ءبىلىم بەرۋ ساپاسىنىڭ ولشەمدەرى:

• زاماناۋي تەحنولوگيالار مەن ادىستەمەلەردى قولدانۋ;
• ءومىر بويى ۇيرەنۋ داعدىلارىن قالىپتاستىرۋ;
• عىلىمي-تەحنيكالىق پروگرەسس پەن قوعام قاجەتتىلىكتەرىنە سايكەس ءبىلىم بەرۋ.

قازۇۋ-دا ءبىلىم بەرۋ ساپاسىن جاقسارتۋ ارقىلى ەلدىڭ ەكونوميكالىق دامۋىنا ۇلەسىمىزدى قوسامىز دەپ ەسەپتەيمىن. دامىعان ەلدەردىڭ تاجىريبەسى كورسەتكەندەي، ءبىلىم دەڭگەيى جوعارى مەملەكەتتەر يننوۆاتسيالاردى جىلدام يگەرىپ، جاھاندىق نارىقتا جەتەكشى ورىن الادى. جوعارى ساپالى ءبىلىم جۇمىس كۇشىنىڭ ونىمدىلىگىن ارتتىرىپ، ەكونوميكاعا جاڭا سەرپىن بەرەدى.

قازاقستاننىڭ «تسيفرلى قازاقستان»، «ءبىلىمدى ۇلت» سياقتى ستراتەگيالىق باعدارلامالارى وسى ماقساتتى كوزدەيدى. ساپالى ءبىلىم بەرۋ جۇيەسىن قۇرۋ ارقىلى ەلىمىز الەمدىك ارەنادا ءوز ورنىن نىعايتا الادى. ساپالى ءبىلىم تەك ەكونوميكالىق ءوسىمنىڭ نەگىزى عانا ەمەس، سونىمەن قاتار الەۋمەتتىك تۇراقتىلىقتىڭ، ازاماتتىق قوعامنىڭ قالىپتاسۋىنىڭ ىرگەتاسى. ءبىلىمدى ازامات ءوز قۇقىعى مەن مىندەتتەرىن جاقسى تۇسىنەدى، جاۋاپكەرشىلىكپەن ارەكەت ەتەدى. سونىمەن قاتار، ءبىلىم بەرۋ ادامعا ءوزىن-ءوزى دامىتۋدىڭ، الەۋمەتتىك باسپالداقپەن جوعارى كوتەرىلۋ مۇمكىندىكتەرىن اشادى. ساپالى ءبىلىم – تەك تۇلعانىڭ عانا ەمەس، تۇتاس قوعامنىڭ دامۋىنىڭ كەپىلى. ول جارقىن بولاشاققا جول اشادى، ەكونوميكالىق وسىمگە، الەۋمەتتىك تۇراقتىلىققا، ازاماتتىق قوعامنىڭ دامۋىنا ىقپال ەتەدى. سوندىقتان ءبىلىم بەرۋ جۇيەسىن جەتىلدىرۋ – ءاربىر مەملەكەت ءۇشىن باسىم مىندەت بولۋى ءتيىس.قازاقستاننىڭ بولاشاعى ءبىلىمدى جاستاردىڭ قولىندا. جاڭا قازاقستاندى قۇرساق دەگەن ارمانىمىزدىڭ ءتۇپ تامىرى سانالى ۇرپاققا ساپالى ءبىلىم بەرە وتىرىپ، ۇلتتىق باعىتتاعى قۇندىلىقتارىمىزدى بويلارىنا قۇيا ءبىلۋ ارقىلى اسقارالى ماقساتتارعا جەتەمىز. ساپالى ءبىلىم بەرۋ – ءبا­سە­كەگە قابىلەتتى، وركەنيەتتى ەل بولۋدىڭ كە­پىلى. ادامزات تاريحىنداعى جەتىستىكتىڭ بار­­لىعى ءىلىم، عىلىمنىڭ جەمىسى ەكەندىگى ءسوز­­سىز. ساۋاتتى ۇرپاق ءوسىرۋ ارقىلى عانا ۇلت­­تىڭ جاڭا ساپاسىن قالىپتاستىرا الامىز.

سماگۋلوۆا س.

ءال-فارابي اتىنداعى قازۇۋ مەملەكەت جانە قۇقىق تەورياسى مەن تاريحى، كونستيتۋتسيالىق جانە اكىمشىلىك قۇقىق كافەدراسىنىڭ وقىتۋشى

Abai.kz