ۇلتتىق بانك بازالىق مولشەرلەمەنى نەگە كوتەردى؟: ۇب توراعاسى تيمۋر سۇلەيمەنوۆ جاۋاپ بەردى.

كەشەلى بەرى ءتول تەڭگەمىز السىرەپ، اقش دوللارى شارىقتاپ بارا جاتىر. ۇلتتىق بانك الاڭداۋعا نەگىز جوق دەگەنىمەن، بۇگىن بازالىق مولشەرلەمە ءوستى. سەبەبى ۇلتتىق بانك بۇگىن 2024 جىلى بىرتىندەپ تومەندەپ كەلە جاتقان بازالىق مولشەرلەمەگە بىردەن 1% قوسىپ، 15,25%-عا جەتكىزدى. ۇلتتىق بانك بۇل شەشىمىن ينفلياتسيا مەن ەلدىڭ ەكونوميكالىق دامۋىنا قاتىستى بولجامداردى، ناقتى دەرەكتەر مەن تاۋەكەلدەردى ەسكەرە وتىرىپ قابىلدانعان. بۇل تۋرالى ۇلتتىق بانك توراعاسى تيمۋر سۇلەيمەنوۆ بازالىق مولشەرلەمەگە قاتىستى شەشىمدى تۇسىندىرۋگە ارنالعان بريفينگ بارىسىندا ايتتى.

ۇلتتىق بانك باسشىسى قازان ايىندا ينفلياتسيا جەدەلدەگەنىن ايتىپ ءوتتى.

وعان قاتىستى بولجام دا تۇراقسىز بولىپ تۇر. ينفلياتسياعا سىرتقى فاكتورلاردان: الەمدىك نارىقتا ازىق-تۇلىك باعاسىنىڭ قىمباتتاۋى، نەگىزگى ساۋدا-ەكونوميكالىق ارىپتەسىمىز – رەسەيدەگى ينفلياتسيا مەن رۋبل باعامىنىڭ قۇبىلۋى اسەر ەتكەن. ال ىشكى فاكتورلارعا ۇب توراعاسى تۇرعىن-ءۇي كوممۋنالدىق سالاداعى رەفورمالار، ۇسىنىستان اسىپ تۇسكەن ىشكى تۇتىنۋ سۇرانىسى، تەڭگەنىڭ قۇنسىزدانۋى مەن جوعارى ينفلياتسيالىق كۇتۋلەردى اتادى.

سونىمەن قاتار سۇلەيمەنوۆ قازىنادا قارجى تاپشى كەزدە سالىق از ءتۇسىپ جاتقاندىقتان، ينفلياتسيانىڭ تومەندەۋىنە مۇمكىندىك بەرمەيتىنىن اتاپ ءوتتى.

«وسى فاكتورلاردىڭ ءبارى جيناقتالا كەلە، ينفلياتسيا 5%-دىق مەجەگە بۇعان دەيىنگى بولجامىمىزدان كەشىگىپ جەتەتىن بايقاتادى. ەكونوميكالىق ءوسىمدى تۇراقتى بولۋ ءۇشىن قاتاڭ اقشا نەسيە-ساياساتىنا قايتا ءورالۋىمىز كەرەك»، – دەدى ول.

وعان قوسا، ۇب ەل ەكونوميكاسىنىڭ نەگىزى كورسەتكىشتەرىنە قاتىستى بولجامىن قايتا قاراپ، ولاردى تومەندەتىپ وتىر. ماسەلەن، 2024 جىلعا بولجانعان ينفلياتسيا 8-9%-عا دەڭگەيىندە ناقتىلانسا، 2025 جىلى – 6,5-8,5%-عا دەيىن، 2026 جىلى – 5,5-7,5%-عا دەيىن ءوسۋى ىقتيمال.

بۇعان دەيىنگى ەكى شەشىمىندە ۇلتتىق بانك بازالىق مولشەرمەنى 14,25% دەڭگەيىندە وزگەرىسسىز قالدىرعان ەدى. قارجى ساراپشىلارى دا وسى جولى باس بانك نەگىزى مولشەرلەمەنى وزگەرتپەيدى دەگەن بولجام جاساعان بولاتىن.

الايدا ۇب بازالىق مولشەرلەمەنى بىردەن 15,25%-عا جەتكىزۋ تۋرالى شەشىم شىعاردى.

Abai.kz