شىعىس قازاقستان وبلىسىنىڭ 43 جاستاعى تۇرعىنى كامەلەتكە تولماعان بالاسىن اسىراۋعا ارنالعان اليمەنتتى تولەمەگەنى ءۇشىن 9 اي مەرزىمگە باس بوستاندىعىنان ايىرىلدى. ونىڭ اليمەنت بويىنشا قارىزى 2 ميلليون تەڭگەدەن اسقان، دەپ حابارلايدى شقو پروكۋراتۋراسى.

ەر ادام ءوز مىندەتتەرىن ورىنداۋدان بىرنەشە رەت جالتارىپ، ەسكەرتۋلەرگە قاراماستان ارەكەت ەتپەگەن. ناتيجەسىندە سوت ورگاندارى وعان قاتاڭ شارا – باس بوستاندىعىنان ايىرۋ جازاسىن قولدانۋ تۋرالى شەشىم قابىلدادى.

بۇل جاعداي اليمەنتتىك مىندەتتەرىن جۇيەلى تۇردە ورىنداۋدان جالتارىپ جۇرگەن ادامدارعا قانداي سانكتسيالار قولدانىلاتىنىن كورسەتەدى.

زاڭناماعا سايكەس، اليمەنت تولەمەۋ ايىپپۇلدارمەن عانا شەكتەلمەي، قىلمىستىق جاۋاپكەرشىلىككە، ءتىپتى باس بوستاندىعىنان ايىرۋ جازاسى كوزدەلگەنىن ايقىندايدى.

مۇنداي شارالار ەڭ الدىمەن بالالاردىڭ قۇقىقتارىن قورعاۋعا باعىتتالعاندىعىن، ولاردىڭ اتا-انالار جاۋاپسىزدىعىنان زارداپ شەكپەۋى كەرەك ەكەندىگىن ەسكەرتەدى.

شىعىس قازاقستان وبلىسى بويىنشا انىقتاۋ بولىمشەلەرى جىل باسىنان بەرى اليمەنت تولەمەۋ فاكتىلەرى بويىنشا سوتقا 36 قىلمىستىق ءىس جولداعانىن ايتا كەتكەن ءجون.

Abai.kz