"توبىل-تورعاي سۋ رەسۋرستارىن پايدالانۋدى رەتتەۋ جانە قورعاۋ جونىندەگى باسسەيندىك ينسپەكتسياسى" رمم مەملەكەتتىك باقىلاۋ ءبولىمىنىڭ باسشىسى سوتتالدى، دەپ حابارلايدى انتيكوردىڭ ءباسپاسوز قىزمەتى.

رۋدنىي قالالىق سوتى "توبىل – تورعاي سۋ رەسۋرستارىن پايدالانۋدى رەتتەۋ جانە قورعاۋ جونىندەگى باسسەيندىك ينسپەكتسياسى" رمم مەملەكەتتىك باقىلاۋ ءبولىمىنىڭ باسشىسى س. مۇقاشەۆكە قاتىستى ۇكىم شىعاردى.

ول جوسپارلى تەكسەرۋ كەزىندە سۋ زاڭناماسىن بۇزۋشىلىقتاردى انىقتاۋ بويىنشا شارالار قولدانباعانى ءۇشىن رۋدنىي قالاسىنىڭ باۋ-باقشا كووپەراتيۆتەرىنىڭ ءبىرىنىڭ توراعاسىنان 1,1 ملن تەڭگە سوماسىندا پارا العانى ءۇشىن كىنالى دەپ تانىلدى.

- سوت ۇكىمىمەن وعان مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋ قۇقىعىنان ءومىر بويىنا ايىرا وتىرىپ، 33,3 ملن تەڭگە سوماسىنا ايىپپۇل تۇرىندە جازا تاعايىندالدى. ۇكىم زاڭدى كۇشىنە ەندى، - دەلىنگەن حابارلامادا.

قر قك 41-بابىنا سايكەس ايىپپۇل بەلگىلەنگەن مەرزىمدە تولەنبەگەن جاعدايدا جازا شاراسى باس بوستاندىعىنان ايىرۋعا اۋىستىرىلادى.

Abai.kz