15 جەلتوقساندا الماتى وبلىسى تالعار اۋدانى تالعار قالاسىنىڭ اكىمى سايلاۋى ءوتتى. سايلاۋشىلار تىزىمىنە 42 774 ازامات ەنگىزىلىپ، ولاردىڭ 12 875-ءى داۋىس بەرۋگە قاتىستى. ۇيدەن داۋىس بەرگەندەر سانى – 24.

تالعار قالاسىنىڭ اكىمى لاۋازىمىنا ءۇش كانديدات ۇمىتكەر بولدى. داۋىس بەرۋ قورىتىندىسى بويىنشا كەلەسى ناتيجەلەر تىركەلدى:

• ارىستانبەك ابيلحايرۇلى – 9 071 داۋىس;
• جانيبەك كادەنوۆ – 1 875 داۋىس;
• الىبەك رامازانوۆ – 1 140 داۋىس;
• «بارلىعىنا قارسى» دەگەن تاڭداۋ جاساعاندار سانى – 182.

«سايلاۋ قورىتىندىسىنا سايكەس، تالعار قالاسىنىڭ اكىمى بولىپ ارىستانبەك ابيلحايرۇلى سايلاندى. ول 1983 جىلى تۋعان، «تالعار تۇرعىن ءۇي» جشس-ءنىڭ ديرەكتورى جانە تالعار قالاسىنىڭ تۇرعىنى»، — دەپ جازىلعان حابارلامادا.

Abai.kz