ۇلتتىق بانك ساراپشىلار قاۋىمداستىعى اراسىندا جۇرگىزىلگەن كەزەكتى ماكروەكونوميكالىق ساۋالنامانىڭ ناتيجەلەرىن جاريالادى. بۇل تۋرالى «EGEMEN FINANCE» تەلەگرام ارناسى جازدى.

ساۋالنامانىڭ نەگىزگى پارامەترى:

* Brent ماركالى مۇناي باعاسى;

* قازاقستان ەكونوميكاسىنىڭ ءوسىمى;

* ينفلياتسيا;

* بازالىق مولشەرلەمە;

* تاۋارلار مەن قىزمەتتەردىڭ ەكسپورتى جانە يمپورتى;

* تەڭگە باعامى.

مەديانالىق كۇتۋلەرگە سايكەس 2025 جىلى Brent ماركالى مۇنايدىڭ باعاسى باررەلىنە – 75 دوللار.

2026 جىلعا بولجام – 74,0 دوللار;

2027 جىلعا بولجام – 75,0 دوللار.

«2025 جانە 2026 جىلدارعا ارنالعان ەكونوميكالىق ءوسۋ بولجامدارى وزگەرىسسىز قالىپ، تيىسىنشە 4,7% جانە 4,5%-دى قۇرايدى. 2027 جىلى ساراپشىلاردىڭ كۇتۋى بويىنشا ەكونوميكالىق ءوسۋ قارقىنى 4,5% دەڭگەيىندە ساقتالادى»، دەلىنەدى مالىمدەمەدە.

ال ينفلياتسياعا قاتىستى بولجام مىناداي:

* 2025 جىلعا – 6,9%-دان 7,5%-عا دەيىن;

* 2026 جىلعا – 6,0%-دان 6,5%-عا دەيىن;

* 2027 جىلى ينفلياتسيا 5,6% دەڭگەيىندە باعالانادى.

«ينفلياتسياعا قاتىستى باعالاۋلاردىڭ وزگەرۋىنە سايكەس، بازالىق مولشەرلەمە بويىنشا كۇتۋلەر دە قايتا قارالدى. 2025 جىلعا ارنالعان بولجامداردىڭ مەديانالىق ماندەرى 12,5%-تەن 14,7%-كە دەيىن، 2026 جىلعا – 10,3%-دان 11,8%-عا دەيىن تۇزەتىلدى. 2027 جىلعا بازالىق مولشەرلەمە 10,5% دەڭگەيىندە بولجانادى»، دەيدى ۇب.

Abai.kz