رومانتيزاتسيالاۋ - نوستالگيا عوي.

ول قايتا كەلمەس زامان بۇگىنگى قاريالاردىڭ جاستىق شاعى. رومانتيكالىق ءداۋىرى. سوعان ساي نوستالگيا بار. ەندەشە، ولاردىڭ سول كەزدەگى ومىرلەرىن رومانتيزاتسيالاۋى - تابيعي قۇبىلىس.

ەگەر، ماسەلە تاريحي وقيعالار تۋرالى بولسا، وندا، ارينە، وعان وبەكتيۆتى ساراپتاما قاجەت.

سول سياقتى، ونەردىڭ دامۋىن دا شىنايى عىلىمي نەگىزدە زەرتتەۋ كەرەك.

ماسەلەن، قازاقتىڭ قول ونەرى ول كەزدە تەك «پريكلادنوە يسكۋسستۆو» دەپ اتالدى.

ول، «تۇرمىستىق قولدانىس دەڭگەيىندە قالعان» دەگەن ماعىنانى ءبىلدىردى.

سوندىقتان، ول كەزدە قول ونەرىمىزدى ۇلتتىق دۇنيەتانىممەن بايلانىستىرا قاراۋعا مۇمكىندىك بەرىلمەدى.

سەبەبى، ولاي بولسا، «التىن ادام» داۋىرىندەگى قوعامدى سۋرەتتەپ، ونىڭ وزگەدەن قانشاما وزىق تۇرعانى مويىندالۋشى ەدى.

ول «ورىس حالقىنىڭ توڭىرەگىنە بىرىككەن» «ۇلى دوستىق» يدەولوگياسىنا كۇمان كەلتىرىپ، از حالىقتاردىڭ ۇلتتىق ساناسىن وياتار ەدى.

ءسويتىپ، جاڭا تاريحي قاۋىمداستىق - سوۆەت حالقىنىڭ پايدا بولۋى مۇمكىن بولماي قالار ەدى...

ءبارى جاقسى كەلە جاتىر ەدى...

قازاقتار ءبۇلدىردى...

1986-دا كوتەرىلىسكە شىعىپ، «سوۆەت حالقى» دەگەن ەكىجۇزدى ساياساتتىڭ شىن بەت پەردەسىن اشىپ تاستادى.

سوڭىندا سوۆەت ۇكىمەتى قۇلادى.

ءاي، قازاقتار اي، تىنىش وتىرا المايسىڭ، ايتەۋىر!

ساعان دا ۇنەمى ءبىر «دۆيجۋحا» كەرەك بولادى دا تۇرادى...

ءابدىراشيت باكىرۇلى

Abai.kz