قازاقستان مۇسىلماندارى ءدىني باسقارماسى (قمدب) كيبەربۋللينگ پەن قورلاۋدىڭ كەز كەلگەن تۇرىنە شاريعات تۇرعىسىنان قاتاڭ تىيىم سالىناتىنىن مالىمدەپ، ارنايى ءپاتۋا شىعاردى.

قمدب حابارلاماسىندا الەۋمەتتىك جەلىدە نەمەسە ۇيالى تەلەفون ارقىلى جالعان اقپارات تاراتۋ، بالاعاتتاۋ، قورلاۋ، ءتىپتى كيبەربۋللينگكە قاتىسىپ، «لايك» باسۋ سياقتى ارەكەتتەر كۇنا ءىس رەتىندە باعالاناتىنى ايتىلعان.

«كيبەربۋللينگكە جانە بۋللينگتىڭ كەز كەلگەن تۇرىنە شاريعات تۇرعىسىنان قاتاڭ تىيىم سالىنادى. الەۋمەتتىك جەلى، ۇيالى تەلەفون ارقىلى جالعان اقپارات تاراتۋ، ونى ءبولىسۋ، سونداي-اق بىرەۋدى بالاعاتتاپ، قورلاپ جازبا قالدىرۋ جانە وعان ورتاقتاسىپ «لايك» باسۋ – كۇنا ءىس.بىرەۋدىڭ جەكە جازبالارىن، سۋرەتتەرىن، بەينەجازبالارىن شىعارامىن دەپ قورقىتۋ، بىرەۋدىڭ ءدىنىن نە مادەنيەتىن كەمسىتۋ جانە ت.ب. كيبەربۋللينگتىڭ تۇرلەرىنە تىيىم سالىنادى»، – دەلىنگەن قمدب حابارلاماسىندا.

Abai.kz