بۇگىن ۇكىمەتتىڭ كەڭەيتىلگەن وتىرىسىنا مەملەكەت باسشىسى قاسىم-جومارت توقاەۆ قاتىستى. اتالعان جيىندا ۇكىمەت باسشىسى ولجاس بەكتەنوۆ 2024 جىلعى اتقارىلعان جۇمىستار تۋرالى ەسەپ بەردى. سونىمەن بەكتەنوۆتىڭ ەسەبى قانداي؟

* وڭىرلەر بولىنىسىندە وتكەن جىلدىڭ قورىتىندىسى بويىنشا ەڭ جوعارى ەكونوميكالىق ءوسىم سولتۇستىك قازاقستان، قاراعاندى، تۇركىستان، قىزىلوردا وبلىستارى مەن استانا جانە شىمكەنت قالالارىندا تىركەلدى. نەگىزگى كورسەتكىشتەردىڭ تومەن ديناميكاسى ۇلىتاۋ، اتىراۋ، باتىس قازاقستان، جامبىل وبلىستارىندا قالىپتاستى;

* 29 ءىرى زاۋىت سالىندى. ولاردىڭ قاتارىندا قوستاناي وبلىسىندا شويىن قۇيۋ، الماتى وبلىسىندا ۆولفرام جانە جىلۋ وقشاۋلاعىش ماتەريالدار وندىرەتىن، شىمكەنتتە باعالى مەتالداردى وڭدەۋ، قاراعاندى وبلىسىندا كاتودتى مىس، اۆتوموبيل شينالارى مەن تۇرمىستىق تەحنيكا شىعاراتىن جانە باسقا دا كاسىپورىنداردى اتاپ كورسەتۋگە بولادى. ساران قالاسىندا زاماناۋي وندىرىستەردىڭ ىسكە قوسىلۋى وعان مونوقالالار ساناتىنان شىعۋعا مۇمكىندىك بەردى;

* العاش رەت ەلىمىزدە 19 ملن شارشى مەتر تۇرعىن ءۇي سالىندى. 397 دەنساۋلىق ساقتاۋ، 298 ءبىلىم بەرۋ نىسانى بوي كوتەردى. 11 مىڭ ورىنعا ارنالعان 40 ستۋدەنتتىك جاتاقحانا پايدالانۋعا بەرىلدى. جۇك تاسىمالىنىڭ كولەمى وتكەن جىلى 10%-عا ءوسىپ، شامامەن 1 ملرد تونناعا جەتتى. ترانسكاسپي حالىقارالىق كولىك باعىتى بويىنشا كونتەينەرلىك تاسىمالداۋ 2,7 ەسەگە ۇلعايدى. قۇرىلىس جانە جوندەۋ جۇمىستارىمەن 12 مىڭ شاقىرىم اۆتوموبيل جولدارى جانە 2 مىڭ 800 شاقىرىم تەمىرجول قامتىلدى. الماتى، قىزىلوردا جانە شىمكەنت اۋەجايلارىندا ءۇش جاڭا تەرمينال پايدالانۋعا بەرىلدى;

* ەگىنشىلەر سۋارمالى سۋمەن تولىق كولەمدە قامتاماسىز ەتىلدى. ارال تەڭىزىنە 2 ملرد 600 ملن. تەكشە مەتر سۋ جىبەرىلدى. بۇل ورتاشا جىلدىق كورسەتكىشتەن ەداۋىر جوعارى. جالپى ۇزىندىعى 400 شاقىرىمنان اساتىن 80 سۋ ارناسىن جاڭعىرتۋ جۇمىستارى اياقتالدى. سۋ ۇنەمدەۋ تەحنولوگيالارىمەن قامتىلعان ەگىس القابى 1,5 ەسەگە ارتىپ، 470 مىڭ گەكتارعا دەيىن جەتكىزىلدى;

* ينۆەستيتسيالىق شتاب ءىستىڭ مۇددەسىن نازارعا الىپ، بيۋروكراتيالىق ماسەلەلەرگە قاراماستان، ەلگە قاجەتتى جوبالاردى دەر كەزىندە باستاۋعا مۇمكىندىك بەرەتىن شەشىمدەردى قابىلداۋدا. ءارى قاراي ول ىسكەرلىك احۋالدى جاقسارتۋ ءۇشىن ناقتى پروبلەمالىق كەيستەر نەگىزىندە زاڭنامالىق وزگەرىستەردى ازىرلەيدى. قازىرگى تاڭدا 97 تۇزەتۋ بويىنشا وسىنداي جۇمىس ءجۇرىپ جاتىر.

Abai.kz