استانا قالاسىنىڭ اكىمى جەڭىس قاسىمبەك لرت قۇرىلىسى تۋرالى باياندادى. ول 2024 جىلدىڭ جەلتوقسانىندا استانادا كولىك جۇيەسىن دامىتۋدىڭ كەشەندى باعدارلاماسى بەكىتىلگەنىن اتاپ ءوتتى.

اۆتوترافيكتىڭ ءوسۋى اياسىندا قوعامدىق كولىكتى دامىتۋعا، جولداردىڭ وتكىزۋ قابىلەتىن ارتتىرۋعا، جاڭا كوپىرلەر سالۋعا، تۇراق ورىندارىنىڭ جۇمىسىن جاقسارتۋعا باسا نازار اۋدارىلدى،

«كۇن سايىن قالالىق مارشرۋتقا 1600-دەن استام اۆتوبۋس شىعادى. ەكى جىلدا قوعامدىق ترانسپورت پاركى 45 پايىزعا جاڭاردى. ءسىزدىڭ قولداۋىڭىزدىڭ ارقاسىندا لرت جوباسى مارەگە تاياپ قالدى. جازدا قۇرىلىس جۇمىستارى تولىقتاي اياقتالادى. قىركۇيەكتە العاشقى پويىزدار كەلەدى، سودان كەيىن سىناقتان وتكىزۋ باستالادى. قالادا زاماناۋي جايلى ەكولوگيالىق كەلبەتتى قالىپتاستىرۋ بويىنشا بەلسەندى جۇمىس جالعاسىپ جاتىر»، - دەدى قالا اكىمى.

مەملەكەت باسشىسى استانا قالاسى اكىمىنىڭ جۇمىسىنا وڭ باعا بەرىپ، قالاداعى كەپتەلىس ماسەلەسىن شەشۋدى تاپسىردى.

Abai.kz