ءۇش جىلدا الماتىدا 650 شاقىرىم جول جوندەلىپ، 100 شاقىرىم جاڭا جول سالىندى. بۇل تۋرالى Almaty TV حابارلادى. 

ءار شىعارىلىمدا اۆتورلار تۇرعىندارمەن، تاريحشىلارمەن جانە ساۋلەتشىلەرمەن بىرگە وسى ۋاقىتقا دەيىن كورەرمەنگە بەيمالىم بولىپ كەلگەن كوپتەگەن فاكتىنى اشادى، سونىمەن قاتار قالا اكىمدىگىنىڭ وكىلدەرى الماتىنىڭ قوعامدىق كەڭىستىكتەرىن، كوشەلەرى مەن داڭعىلدارىن قايتا قۇرۋ جانە وزگەرتۋ جوسپارلارى تۋرالى اڭگىمەلەيدى.

الماتى كوشەلەرى – مەگاپوليسپەن بىرگە دامىپ، ءوسىپ، كەلە جاتقان تۇتاس تاريح ءارى وزىندىك الەم. تەلەارنا تىلشىلەرى باعدارلامانىڭ ءبىرىنشى ءبولىمىن الماتىنىڭ بۇگىنى مەن بولاشاعىن بىرىكتىرەتىن، قالانىڭ ىسكەرلىك جانە تۇرعىن اۋداندارىن توعىستىراتىن اباي داڭعىلىنا ارنادى.

«وزدەرىڭىزگە بەلگىلى، مەملەكەت باسشىسىنىڭ تاپسىرماسىمەن ينفراقۇرىلىمدى دامىتۋ اياسىندا اباي داڭعىلىندا راديالدى جول سالىنىپ جاتىر. بۇگىندە سترويتەلنايا كوشەسىنەن قالا شەكاراسىنا دەيىن نەگىزگى جولدىڭ بويىنداعى جول قۇرىلىسى جۇمىستارى اياقتالدى. مامىر ايىنىڭ سوڭىنا دەيىن كولىك قوزعالىسىن اشۋدى جوسپارلاپ وتىرمىز. تەك جۇرگىنشىلەر جولى، ۆەلوجولدار، رەزەرۆتىك كوشىرمەلەر جانە سىرتقى جارىقتاندىرۋ جۇمىستارى قالدى»، - دەدى قالالىق موبيلدىلىك باسقارمانىڭ ءبولىم باسشىسى ايدوس جەلدىكباەۆ.

ايتا كەتەتىن ءبىر نارسە، ءۇش جىلدا الماتىدا 650 شاقىرىم جول جوندەلىپ، 100 شاقىرىم جول سالىندى. بيىل تاعى 300 شاقىرىم جولعا ورتاشا جوندەۋ جۇرگىزىپ، 35 شاقىرىمنان استام جاڭا جول سالۋ جوسپارلانىپ وتىر.

باعدارلامانىڭ الداعى ساندارىندا الماتىدا قالا اكىمىنىڭ باستاماسىمەن العاش رەت «قاسبەتتەن قاسبەتكە» قاعيداسى بويىنشا دوستىق داڭعىلى مەن پۋشكين كوشەسىن اباتتاندىرۋ جوباسى قالاي جۇزەگە اسىرىلىپ جاتقانى تۋرالى ايتىلادى. جوبادا اۆتوموبيل جولىمەن قاتار، جۇرگىنشى جولىن، ىرگەلەس اۋماقتاردى، قاسبەتتەردى اباتتاندىرىپ، كوگالداندىرۋ جۇمىستارى دا قاراستىرىلعان.

بۇعان دەيىن «الماتى» تەلەارناسىندا «شاھار شىرايى»، «Made in Almaty» جوبالارى جارىققا شىعىپ،  جاڭالىقتار «ەكونوميكا جاڭالىعى» جانە «قالا تىنىسى» ايدارلارىمەن تولىققان ەدى. الداعى ۋاقىتتا «الماتى اۋداندارى» جانە «كەرى بايلانىس» سياقتى بىرقاتار جاڭا باعدارلامالار ەفيرگە شىعادى.

Abai.kz