اق ءۇيدىڭ ءباسپاسوز حاتشىسى كارولين لەۆيتت دجو بايدەن اكىمشىلىگىنىڭ ءتيىمسىز شىعىندارىن جاريالاپ، قازاقستاندى دا اتاپ ءوتتى. 

كارولين لەۆيتت اقش-تىڭ بۇعان دەيىنگى اكىمشىلىگىن ايىپتاپ، اق ءۇيدىڭ كەيبىر ەسسىز شىعىندارى تۋرالى ايتتى.

مىسالى گۆاتەمالاداعى "جىنىس اۋىستىرۋ" باعدارلاماسىنا 2 ميلليون دوللار جۇمسالعان. بۇل تۋرالى ءماجىلىس دەپۋتاتى ماگەررام ماگەرراموۆ تا ءسوز قوزعاپ، قوعامعا جات اسەرى بار باعدارلامالاردى تەكسەرۋگە شاقىردى. سەبەبى ونىڭ ايتۋىنشا، 2022-2025 جىلدارى USAID ورتالىق ازيادا ادام قۇقىقتارى مەن تەڭدىكتى نىعايتۋعا $2 ملن بولگەن. ول بۇل باعدارلامانىڭ اتقارۋشىسى ەۋروپالىق حالىقارالىق لەسبي، گەي، بيسەكسۋال، ترانسگەندەر جانە ينتەرسەكس قاۋىمداستىعى ەكەنىن مالىمدەدى.

- ال قازاقستانداعى "جالعان اقپاراتقا قارسى كۇرەسكە" 4,5 ميلليون دوللار ءبولىندى، - دەدى لەۆيتت.

ايتا كەتەيىك، 5 اقپاندا USAID بۇكىل الەم بويىنشا قىزمەتكەرلەرىن اكىمشىلىك دەمالىسقا جىبەرەتىنىن حابارلادى. ال بۇعان دەيىن دونالد ترامپ اقش-تىڭ حالىقارالىق دامۋ اگەنتتىگى (USAID) باسشىلىعىندا الداعى وتستاۆكالار بولاتىنىن مالىمدەگەن.

Abai.kz