وسى اپتاداعى ەلدى ەلەڭ ەتكىزگەن وقيعا «قازتاگ» اگەنتتىگىنىڭ: «اقش مەملەكەتتىك باسقارۋ تيىمدىلىگى دەپارتامەنتىنىڭ (DOGE) باسشىسى، كاسىپكەر يلون ماسك قازاقستانعا مەملەكەتتىك بيۋدجەتتى وڭتايلاندىرۋدا كومەك كورسەتۋدى ۇسىندى»، - دەگەن حابارلاماسى بولدى. بۇل تۋرالى «قازتاگ» اگەنتتىگىنە قر ۇلتتىق ەكونوميكا ءمينيسترى سەرىك جۇمانعارين مالىمدەدى.

ەكونوميكا ءمينيسترىنىڭ ايتۋىنشا، ماسك قازاق مينيسترلىگىنە شىعىپ، ءوزىنىڭ وڭتايلاندىرۋ قىزمەتىن ۇسىنىپتى.

سۋرەت: قازتاگ سكرينى.

جۇمانعارين: «مەن ونى شاقىردىم. كەل، بىرگە جۇمىس جاسايىق، جۇمىس توبىن قۇرايىق. ەگەر قىسقارتۋعا بولاتىن نارسەلەردى كورەتىن بولساڭىز، شەشەمىز دەدىم»، - دەپ ويىن ارى قاراي جالعادى.

ول بيۋدجەتتىڭ قىسقارۋى اقىلعا قونىمدى بولۋى شارت جانە رەسپۋبليكانىڭ قاراپايىم ازاماتىنا سالماق تۇسىرۋگە ءتيىستى ەمەس ەكەنىن باسا ايتتى. جۇمانعارين جاڭا سالىق كودەكسىندە ءىرى بيزنەس ءۇشىن جەڭىلدىكتەر قىسقارتىلاتىنىن مالىمدەدى.

ەسكەرۋ كەرەگى: كەيىنىرەك ءمينيستردىڭ ءباسپاسوز قىزمەتى باق ماتەريالدارىندا قاتە بولعاندىعىن ءتۇسىندىردى. جۋرناليستەرگە تۇسىندىرگەندەي، يلون ماسك جۇمانعارينمەن بايلانىسقان جوق. مينيسترگە تەك ترامپ اكىمشىلىگىندە ماسك جۇرگىزەتىن جۇمىسقا ۇقساس جۇمىس جۇرگىزۋ ۇسىنىلعان.

Abai.kz